جماهير الأهلى تدعم مروة عيد عبد الملك ضد التنمر (صور)

تعرضت مروة عيد عبد الملك لاعبة كرة اليد بالنادى الأهلى سابقًا، ونيس الفرنسى الحالى، لحملة من التنمر على مواقع التواصل الاجتماعى، واتهامها بالتهكم على شيكابالا لاعب الزمالك.

وكتبت مروة على حسابها الشخصي على موقع التواصل الاجتماعي "فيس بوك" اليوم الأحد: "هما ضد التنمر على شيكابالا عشان حرام وكده وأنهم ناس مؤدبين زيه بالظبط بس يخشوا يتنمروا عليا انا عادى بدون أي مناسبة، شيزوفرينيا عجيبة عند الناس دي والله ربنا يهدينا ويهديكم".

وشن جماهير الأهلى حملة دعم ومؤازرة اللاعبة، تأكيدًا لها على حبهم لها وأنها خارج إطار التنمر، حيث أنها تعد إحدى أفضل لاعبات كرة اليد المصرية، كما أنها أول مصرية تحترف بأوروبا في تاريخ اللعبة.

وعلقت جماهير النادى الأهلى عبر الحساب الرسمي للاعبة لدعمها نفسيًا، وسنعرضها لكم خلال السطور الآتية: 

قال أحمد نصحي: "كل الدعم لبنت الاهلي الجميلة مروة عيد عبد الملك، معلشي هما التنمر عندهم حسب المزاج".

وقال محمد ناصر: "الخير اللي هتحبه لغيرك هياخد لفه و يرجعلك والله بتمنلك كل الخير وكل التوفيق يا كابتن بس الصوره دي مزعلهم اوي".

ونشر محمد عدلى القيعى صورة للاعبة معلقًا عليها "أخوات تشرف أقسم بالله"، كما كتب الإعلامى محمد فارس: " لما كنا لسه بنحاول نوصل صوتنا ونعمل حاجة للدفاع عن النادي كانت مروة عيد بتستغل اي برنامج بتطلع فيه عشان تطالب بوجودنا على الشاشة. ولما ربنا كرمنا وبقينا موجودين عمرها ما مرة طلبت حاجة ولا استنت مقابل . مروة عيد في مباراة القاضية عملت كل حاجة ممكنة عشان تدخل واقسم بالله اللي اتحكى عن اللي عملته مروة في المدرج وتشجيعها حاجة تفخر بيها كأهلاوي الناس كانت بتقولي مروة كانت بتخلي كل اللي موجودين يحاولوا بس يجاروها في حماسها وجنونها في المدرج. مروة عيد تتشرف بيها وتحكي عنها وتقول البنت الجدعة دي أهلاوية مفيش نادي عنده مشجعة بحماسها وغيرتها وحبها للنادي. اللي يجي على مروة عيد بالنسبالي جه عليا انا شخصيا لان مروة عيد عند كل اهلاوي عارفها حاجة كبيرة جدا".

وقال شهاب الدين محمد: " كلمتين أبرك من مليون حب الناس ليكي نعمه كبيرة من ربنا جمهور الأهلي كله بيحبك ديه كفاية انتي محظوظه بحب جماهير الاهلي ليكي بل هما اخواتك وديما الاهلي مجمعنا شوفي كم الدعم الي حصل عندك انهاردة عامل ازاي لدرجه ان فيه شويه مرتزقه حاولو بس يجيوا عليكي اظن كفاية كده مش محتاج اتكلم كلام كتير انتي ربنا حاميكي من فوق ورزقك في الارض بجمهور الاهلي، ربنا يحميكي يا مروة انت اجمل واحسن واحدة في مصر".

ومن جانبه أكد محمد محمد رشوان المحامي الخاص باللاعبة على اتخاذ كافة الإجراءات القانونية اللازمة ضد مايكل أيوب بشأن واقعة السب والقذف والتنمر.

وكتب رشوان على صفحته على "فيس بوك": "بناء على تكليف من لاعبتنا المحترمه الدولية مروة عيد لاعبه نيس الفرنسي، وشقيقتها لاعبه كره اليد بالنادي الأهلي، تم اتخاذ الإجراءات القانونيه ضد المدعو مايكل أيوب والمزعوم بأنه يعمل بشركه إعلام المصريين، بشأن واقعة السب والقذف والتنمر وارتكاب جريمه أساءة استخدام مواقع التواصل، وتم إخطار الجهات المعنيه بالأمر بمجموعه من الصور المأخوذه من صفحات المعتدين وتتولى النيابه التحقيق".