"البقاء للأصلع".. عمرو أديب يمازح لينا شاكر بعد إصابتها بالسرطان

مازح الإعلامى عمرو أديب ، المذيعة لينا شاكر بقناة النايل لايف، التى اعلنت مؤخرا اصابتها بمرض السرطان ، عندما سألها عن إمكانية الظهور والعودة للعمل خاصة وأن ابتسامتها ومظهرها جميل فردت عليه لينا قائلة " أصبح أنافسك فى الصلع"، فقا لها عمرو أديب" البقاء للأصلع .. بصى للجانب المشرق إن شعرك هيطلع تانى انما أنا لأ".

وقالت المذيعة لينا شاكر بقناة النايل لايف إنها اكتشفت إصابتها فى البدايات وخضعت للكيماوى.

وكانت المذيعة لينا شاكر بقناة النايل لايف قد كشفت  تفاصيل إصابتها بالسرطان ومرحلة المحاربة مع المرض.

وقالت عبر صفحتها الشخصية على موقع التواصل الاجتماعى " انا عشت مع امي الله يرحمها تجربه الكانسر بكل حذافيرها وتفاصيلها من يوم اما اتشخصت ليوم وفاتها كانوا ١١ سنه ونصف..كميه الالم اللي عشته معاها في التجربه دي مرعب وكانت دعوتي لربنا انه يخفف عنها ويقدرني اني اسعدها ....واكيد كنت بفكر مع نفسي ليه كل ده ؟؟!! 

وتابعت " قبل وفاتها بيومين واحنا في المستشفي لقيتني بكتب كلام وكأني بكتب نعيها المهم ان في اللحظه دي شوفت حكمه ربنا بالنسبه ليا  في كل اللي عدي وحمدته وشكرته لاني حسيت ان دي كانت احلي حاجه انا عملتها في حياتي .. وكأن ربنا اداني وقت احبها اكتر وادلعها واكون لها بنت كويسه واكون جنبها في كل لحظه زي ما كانت طول عمرها شيلانا عشان هي حقيقي كانت ملاك واحن واطيب ست في الدنيا".

وقالت " الدكتور اللي عملها الكشف اول مره زعقلي وقالي دي بتموت  انتوا جهله !!! بس هي ما ماتتش وقتها وعاشت الحمدلله و الدكاتره بعد كده قالولي دي عملت record وانها كانت بالكتير تعيش خمس سنين وده ما حصلش واتوفت بعدها بـ11سنه ونصف .. ربنا قادر علي كل شيء مهما كان عندنا علم هو له وقت وقدره اكيد مش عندنا احنا كبشر".