سحر طلعت مصطفى توجه رسالة تقدير ودعم إلى المذيعة لينا شاكر

وجهت سحر طلعت مصطفى رسالة دعم على صفحتها بموقع التواصل الاجتماعى بوست للمذيعة لينا شاكر مذيعة قنوات النيل المتخصصة التي اصيبت بمرض السرطان وقالت: "بقالى كتير ما عملتش فوتوسيشن، وقررت لما أعمله يكون شكلي كده، من غير شعر، علشان ده حالى، وعلشان أفكر نفسي وأقول لكل واحد أو واحدة بيمروا بتجربة السرطان، انتم مش لوحدكم، فيه ملايين بيتعرضوا لدا يومياً، وبجد دا مش آخر الدنيا، صحيح أنا مقدرتش أنزل أمشى في الشارع كده، بس قادرة أتصور كده، وأحطها قدام كل الناس من غير ما أبقى مكسوفة أو مضايقة" .

أنا متوقفة قدام جمال كلام لينا شاكر مذيعة قنوات النيل المتخصصة، وهي بتتكلم عن تجربتها مع مرض السرطان، حقيقي هي مثال للمرأة القوية، توقفت كمان عند مفهوم الدعم النفسي في كلامها لمساعدة ملايين غيرها بيمروا بنفس التجربة القاسية ..

عندنا في مصر كام لينا شاكر ؟! ، عندنا كام ست ملهمة مُصابة ولسه مكملة، لسه بتحاول، لسه بتشتغل وفي نفس الوقت بتواجه المرض، لسه بتضحك ولسه بتربي الأولاد، لسه عندها أمل في بكرة ليها وللى حواليها، عندنا كام ست عظيمة مفروض نبوس راسها ونقولها شكراً، شكراً إنكم بتدونا عنوان للأمل في وقت انتوا أكتر ناس محتاجين فيه أمل !

"الدعم النفسي" و"الدعم المجتمعي" لكل ست بتواجه هذا المرض واجب علينا كلنا ... ربنا يشفيكي يا لينا ويشفي كل مريض.