فتاة قنا: مكنتش أتمني أن يحصل كده من أختي الوحيدة لكن شيطانها صورلها ذلك

ياشيخ محمد أنا عاوزاك تنزل الكلام ده علي صفحتك علشان أنا بعاني ليا سنين من تعبي انا بنت لأخت وحيدة وهي أكبر مني ب4سنين وأنا ربنا رزقني واتخطبت واختي بتكون معترضة أني اطلع قبلها وهي الكبيرة في السن عنى وكانت فى أوقات تقول لي متفتكريش نفسك هتتجوزي قبلي أنتي هتقعدي معايا ولكن لم أكن اعرف إن الكلام ده وراه فعل لا يمكن أن ياتى على بال اى إنسان .

وبعد الخطوبة بكام شهر بدأت معي المأساة انهيار عصبي من غير أي سبب وأعراض نفسيه مدمره ومكنتش بنام غير بالمهدئات وكنت كل يوم بيعدي عليا كانه سنين كنت بجري ف الشارع ومش حاسة بنفسي. حياتي اتدمرت بمعني الكلمة . والغريب ف الموضوع أني كنت بتعب ولا حياه لمن تنادي ولا حتى تبين أنها تشعر بالحزن أو الزعل عليا ولا تقف معايا وتتعامل مع تعبي ومرضي بسخرية تامة وكأنها بتقول انا اللي عملت فيكي كده وتم فسخ الخطوبة والحمد لله بعدها بسنتين اتخطبت تاني ونفس التعب والأعراض بترجع تانى وفى الخطبتين لم تكن تحضر معايا اى منهما  وكانت بتطلع من البيت.

والخطوبة الثانية لم تتم  ولا أقول غير الحمد لله وتمر الأيام اكتشف أنها هي التي سحرتني بسحر تعطيل . طبعا بدليل بس انا مكنتش أتمني ان يحصل كده من أختي الوحيدة لكن شيطانها صور لها ذلك .ولكن وما جئتم به السحر أن الله سيبطله ..حسبي الله ونعم الوكيل....بارك الله فيك ياشيخ محمد .