لقاء الخميسي عن خروج عبد المنصف من منتخب مصر: "اختيار غير عادل"

عبرت الفنانة لقاء الخميسي، عن غضبها بسبب خروج زوجها محمد عبد المنصف، الشهير بأوسة، حارس مرمى وادي دجلة، من تشكيل منتخب مصر.

وكتبت لقاء الخميسي عبر حسابها الرسمي بموقع "فيس بوك": "أنا عمري ما اتدخلت في موضوع الكورة بتابع من بعید وبشجع أوسة لأني مؤمنة بيه من أول لحظة، جول موهوب وتحالفت ظروف كتير عليه وكان بيلعب في ضغط نفسي كبير لا يتحمله أي إنسان ومع ذلك قاوم وكمل وبقى من أفضل وأقوى أجوال مصر! واللي أعرفه إن الأجوال مالهمش علاقة بالعمر طالما في فورمة كويسة ومتألق، أوسه كان في المنتخب وكان دائما راجل".

تابعت: "وكابتن الجوهري رحمه الله كان بيحب اوسه وبیدعمه، لأول مرة هقول رأيي في اختيارات المنتخب ومالهاش علاقه باللاعبين المختارين، عدم اختیار اوسه في المنتخب يدل وبشكل واضح أن التقييم والاختيار غير عادل وليس له أي علاقة باللاعب واجتهاده وأدائه وإنما في معايير تانية غير مفهومه للاختيارات".

وأضافت: "وده الي يخليني اسأل نفسي: إمتى مش هيبقى في حسابات إنسانية في الشغل، إمتى هيبقى الفيصل هو الأداء ومن يستحق.. إمتى هنخرج عواطفنا بره منظومة العمل في كل مجالات مصر مش بس الكورة، اللي حصل ده ظلم كبير، إحنا محتاجين نتغير وندي كل ذي حقٍ حقه، أوسه من غير المنتخب برده مكمل في النجاح بس إحساس وجوده في "منتخب مصر" ليه رونق وطعم تاني وشرف لكل لاعب وأوسه يستحق".