حلمي بكر في حوار لـ"مصر تايمز": احنا في عصر "دعارة" الغناء.. بحب رضا البحراوي.. وآمال ماهر ضيعت نفسها بجوازتها الأخيرة.. ومحمد فؤاد بيستغل اسمي.. وسهير رمزي أفضل زوجاتي
الخميس 15/أبريل/2021 - 07:20 م
حقق لنفسه مجدًا موسيقيًا، وأمتع الكثير من الجمهور بألحانه، وبقدر هذا الإبداع والأهمية هو مثير للجدل بجرأته وصراحته وآرائه فى كل من يغنى على الساحة، هكذا الموسيقار الكبير حلمى بكر الذي تتلمذ على يد موسيقار الأجيال محمد عبد الوهاب، وكان صديقا له .
وكشف الموسيقار حلمي بكر، عن سبب توتر علاقته بمطربي المهرجانات، مهاجما الأداء وأسلوب التقديم، حيث بدأ حواره مع "مصر تايمز" بالهجوم كعادته عليهم لكن هذه المرة وجه قذائفه نحو الجمهور بسبب تدنى ذوقه، كما كشف سبب الخلاف بينه وبين الفنان محمد فؤاد.
في البداية.. هل أغاني المهرجانات متصدرة السوق حاليا؟
نحن في حالة ضياع سمعي، ولم يستطيع أحد من مطربي المهرجانات النجاح بالقدر الكافي، وكل جيل الأطفال هيطلع يسمع "أحمد موزة" وإبراهيم تفاحة".
ما هو علاج هذا النوع من الأغاني؟
لازم الناس تفهم الأول يعني ايه أغنية شعبية علشان نعالج .
الألفاظ البذيئة سر نجاح المهرجانات الشعبية؟
نحن في عصر "دعارة الغناء" فلازم الأغاني اللي زي دي تنجح علشان الناس بتساعد على كدا.
ما رأيك في برنامج "ليلة الخميس" بعد استضافته مطربين المهرجانات ؟
لما قناة "mbc" تدور على "الحسالة" دي يبقى دا تسول منها ودا اللي هيودي القنوات كلها في داهية.
من وجهة نظرك.. ما رأيك فى برنامج الدكتور مبروك عطية مع مطربى المهرجانات؟
مبروك عطية هيغني وعمر كمال هيقول حديث نبوي، ولو الشيخ وافق على كده يبقى عليه العوض في كل حاجة.
من المطرب الذي يستحق لقب "نجم الأغنية الشعبية"؟
مفيش حد على الساحة دلوقت يستحق اللقب طول ما في كزبرة وشاكوش
من المطرب الذي صوته يمتعك عند سماعه؟
رضا البحراوي صوته عظيم وأنا اللي عملتله دعايا.
من أهم صوت نسائي في العالم العربي؟
آمال ماهر وبعدها كارمن سليمان.
هل زيجة آمال ماهر الأخير هي السبب في تراجع أدائها ؟
اه طبعا.. لولا الجوازة دي كانت هتعمل أكتر من كدا
على مدار مشوارك الفني.. اذكر 4 مطربين أحببت العمل معهم؟
فايزة ، وردة ، ونجاة، وعبد الحليم حافظ.
تقول لمين "اقعد في البيت"؟
أقول لكل اللي فرحان بنفسه وصوته وحش يقعد في البيت دا لو كان عندهم بيوت.
ما رأيك في صوت حكيم؟
كلهم زفت ولما يموتوا محدش هيفتكرهم
محمد حماقى أم تامر حسنى؟
محمد حماقى أفضل من تامر حسنى
سبب هجومك على محمد فؤاد بعد طرحه أغنيته "الحفلة"؟
الناس وصلتله إني هاجمته بس أنا مسمعتش أغاني محمد فؤاد لأنه بيعمل شغل ويستغل اسمي علشان الشهرة .
أفضل زوجة في حياتك؟
سهير رمزي
