نشوى مصطفى عن موكب نقل المومياوات: "نسيب الناس تشتغل فى صمت ومانعطلهمش"
الإثنين 29/مارس/2021 - 03:33 م
علقت الفنانة نشوى مصطفى على حالة الجدل التي أثيرت خلال الفترة الماضية، بعد الإعلان عن أسماء الفنانين المشاركين في موكب نقل المومياوات الملكية، يوم 3 أبريل المقبل، والذي ينطلق من المتحف المصري إلى المتحف القومي للحضارة بالفسطاط.
كتبت نشوى مصطفى عبر حسابها الرسمي بموقع "فيس بوك": "كلمة أخيرة فى احتفالية نقل الممياوات، خلونا نتفق أن أبطال الحدث والنجوم العالميين هما الاتنين وعشرين مومياء اللي أكيد شهرتهم العالمية أقوى بكتير من شهرة أي حد تانى، يعنى هما أصحاب الفرح، علشان كده كنت شايفة الخناقات اللي حصلت على السوشيال ميديا الفترة الاخيرة مش فى محلها أوى".
وتابعت: "كان الأولى نتخانق ونطالب أن الموكب يكون فيه مثلاً نجوم عالميين بحجم محمد صلاح، نور الشربينى، خالد النبوى، رامى مالك، مينا مسعود. وأتمنى ان اشركة المنظمة تكون افتكرت تقدم الدعوة للدكتور مجدى يعقوب، المهندس هانى عازر وكل النجوم المصريين العالميين فى مجالات مختلفة.
أضافت: " بإذن الله حيكون حدث عظيم مبهج يساعد مصر سياحياً وبالتالى اقتصادياً بشكل كبير. ويا رب ندعى لجدودنا الفراعنة اللي لحد دلوقتى متمرمغين فى خيرهم ونحاول نشتغل ونشتغل ونشتغل علشان ولادنا يفتخروا بينا أو لو مش حابين نشتغل وفرحانين بالرغى والصريخ على السوشيال ميديا، نسيب الناس اللي بتشتغل تشتغل فى صمت ومانعطلهمش".
