التنمر على فتاة ذوى أحتياجات خاصة يزعج شيرين رضا :"انا شايفة انها زي القمر بروحها الحلوة "

شاركت الفنانة شيرين رضا جمهورها ومتابعيها ، بقضية تنمر جديدة من شاب يبعث رسائل تنمر لفتاة عضوه فى لجنة المرأه بالنادى الأهلي من ذوى الأحتياجات الخاصة، عبر حسابها الشخصي على موقع التواصل الاجتماعي " تويتر" لتبادل الصور والفيديوهات .

وعلقت الفنانة شيرين رضا قائلة :" هاجر بنت جميلة محبة للحياة.. وانا شايفة انها زي القمر بروحها الحلوة وضحكتها وده واحد متنمر؟؟ ايه رأيكم؟ تفتكروا في حد يستاهل يسمع كلام زي ده؟" .

وفى نفس السياق نشرت هاجر محمد رسائل " اسكرين شوت" من الشاب عمرو ، وقال فى رسائل الحساب الشخصى لهاجر على "فيس بوك" :" عاوز اقولك حاجة بس انا مش قصدى حاجة ، مش عارف ايه اللى دفعك تتصورى حرفياً صورك من أكتر الحجات المقززة واللى بتقرفني مع اني صعب ان اقرف ، الان شكل البتاع اللى على ظهرك ده ممسوخ ومقرف" .

وتابع قائلاً :" فعندى حل حلو ليكي بدل ما تقعدى تحاولي تلفتي الانتباه بصورك اللى محدش مهتم بيها بس بتقرف الناس بس وبتقشعرهم وممكن تجيبي خرطوش وتضربي بيه وشك فمكان هادي عشان متزعجيش الناس بموتك التافه ، بس انتحري وامسحي الفيس متقريفناش".

وردت هاجر على رسائلة قائلة :" احدث أنواع التنمر والقرف انا هرد عليك قدام الناس كلها انا مبسوطه بشكلي وكل حاجة وصورى " .

ويذكر أن القانون نص على أن يعاقب المتنمر بالحبس مدة لا تقل عن ستة أشهر وبغرامة لا تقل عن عشرة آلاف جنيه ولا تزيد على ثلاثين ألف جنيه أو بإحدى هاتين العقوبتين.

وبحسب القانون، تكون العقوبة الحبس مدة لا تقل عن سنة وبغرامة لا تقل عن عشرين ألف جنيه ولا تزيد على مائة ألف جنيه أو بإحدى هاتين العقوبتين إذا وقعت الجريمة من شخصين أو أكثر، أو كان الفاعل من أصول المجني عليه أو من المتولين تربيته أو ملاحظته أو ممن لهم سلطة عليه أو كان مسلماً إليه بمقتضى القانون أو بموجب حكم قضائي أو كان خادماً لدى الجاني، أما إذا اجتمع الطرفان يضاعف الحد الأدنى للعقوبة، وفي حالة العود تضاعف العقوبة في حديها الأدنى والأقصى.