فن وثقافة

عبدالباسط حمودة لمحمد رمضان: "لو ابني رمى دولارات في البسين والله أموته"

أسماء مختار

الأحد 18/أبريل/2021 - 08:56 م

هاجم المطرب الشعبي عبدالباسط حمودة، الملحن عمرو مصطفى بسبب سخريته من أغنيته الشهيرة "أنا مش عارفني"، قائلا: "لو مش عجباه، يعني ألحانه هي اللي حلوة؟! ولو وصل للعالمية فإحنا وصلنا لإيه؟! للكتّاب؟! الأغنية دي اتغنت في أمريكا .. ده مش ملحن".

وأضاف حمودة خلال حواره مع الإعلامية بسمة وهبة خلال برنامجها "العرافة" المذاع على شاشة "المحور": "أحب حمو بيكا لأن دمه خفيف جدا وبيضحك طوب الأرض، وبحبه وبحب حسن شاكوش".

وحول ما إذا كان يفضل عمرو سعد أو محمد رمضان، أوضح: "بحب عمرو سعد عشان محترم وجدع، أما محمد رمضان أقوله أرجوك خلي الناس تحبك عشان انت جميل وكويس وليك مستقبل هايل، لما بيتكلم بيبقى متعصب، ولو عملت مشكلة زي اللي حصل مع الطيار المفروض كنت أراضيه وأبوس راسه، ولما رمى الدولارات في البسين ممكن متكونش حقيقية بس أحسبها افتراء وابني لو عمل كده أموته".

قال المطرب الشعبي عبدالباسط حمودة، إنه تزوج على زوجته "أم رامي"، لأنها كانت تغضبه، موضحًا أن مشكلاتهما انتهت بمجرد أن تزوج عليها: "رجعت لها، لأن خيرها عليّ وأدم السعد وعاشت معايا على الحلوة والوحشة، أنا ندمان ومش هعمل كده تاني، انا أسف".

وتابع حمودة: "أنا معرفش أعمل حاجة، هي اللي بتعمل كل حاجة، ممكن تشتري أكتر من شقة وأنا مكنش موافق، ورغم كده عمري ما ألاقي ضفرها، بتخاف عليّ وعلى ولادي".