أمير صلاح الدين: "اتنصب عليا في 4 مسلسلات ومش هسكت"
الإثنين 19/أبريل/2021 - 07:04 م
قال الفنان أمير صلاح الدين إنه تعرض لعملية نصب في 4 مسلسلات ولم يأخذ مستحقاته المالية، معبرا عن استيائه مما واجهه في العمل خلال الفترة الماضية.
ونشر أمير بيانًا صحفيًا عبر حسابه الرسمي على موقع التواصل الاجتماعي "فيسبوك"، وكتب: "بيان صحفي والأرزاق على الله، مسلسل رقم 1.. مضيت العقد بنصف أجري.. و ماخدتش دفعة تعاقد.. ! ذاكرت كل الحلقات اللي معايا، وبعد 3 شهور .. دوري كله اتشال - لأسباب واهية.. تدين المؤلف و المخرج و المنتج الفني.. و طبعًا البطل".
وأضاف: "مسلسل رقم 2 - اعتذرت عنه 3 مرات متتالية بسبب ضعف المقابل المادي، عدم اكتمال السيناريو ولا ملامح الشخصية، وافقت بعد وساطات من بعض الأصدقاء- برضه بنص أجري- صورت في ظروف قاسية (نهار وليل خارجي - صيف - شتاء - بلبس فرعوني شبه عاري)، و لكن مش مهم هذه هي متاعب المهنة.. قبل عرض المسلسل بأسبوعين، تم إيقافه ووقف مستحقات العاملين بقرار من فوق - مش عارف يعني إيه من فوق".
وتابع: "مسلسل رقم 3 (شركة إنتاج تانية)- كلمني المخرج الشاب على شخصية صغيرة -وافقت- استغرب المخرج إني وافقت رغم صغر حجم الدور.. و بعد تقريبًا شهر، جابوا واحد تاني.. بدون علمي.. ولا المخرج الشاب المتحمس ولا المنتج الفني الكبير اعتذر".
واستطرد : "مسلسل رقم 4 .. بعد فترة انقطاع رجعت اشتغل تاني مع مخرجي وممثلي المفضلين .. لكن شرط غريب جداً.. لأن المسلسل بقى 15 حلقة مش 30، فأنا برضه هاخد نص أجري لأنه عدد أيام تصوير أقل، واللي حصل غير كده خالص .. عدد الأيام زي أيام الـ30 حلقة و أكتر".
واختتم كلامة، قائلا: "ملحوظة: مش مسموح للممثلين الاحتفاظ بنسخة من العقد.. وده مخالف لأعراف المهنة، الخلاصة: أنا اتنصب عليا السنة دي .. آخذ حقي من مين؟!!! الناس خايفة تتكلم بس أنا مش هاسكت.. المنظومة فاسدة ولازم تنضف وبسرعة.. أخركم معايا رمضان 2021".
