استغاثة فتاة على السوشيال ميديا بسبب تهديد زوجها نشر صورها "عارية"

انتشرت على مواقع التواصل الاجتماعى قصة لفتاة تدعي "مريم عادل السيد ثابت" تطالب بحقها بسبب سوء معاملة زوجها لها، ومحاولته نشر صورها بملابسها الداخلية بين أصدقائها. 

ونشرت مريم عادل "بوست" عبر صفحتها الرسمية بموقع "فيس بوك"، توضح من خلاله معاناتها مع زوجها، وتهديده لها بنشر صورها على مواقع التواصل الإجتماعى، وأنه يبتزها، وهو ما أثار استياء وسخط رواد التواصل الاجتماعى. 

وكتبت مريم:" انا مريم عادل السيد ثابت حاليآ قدام القانون وقدام ربنا على ذمة أحمد محمود عمر محمد بس انا رافعة عليه خلع.. بسبب انه بيضربني بيشتمني بيعاملني اسوأ معاملة .. ويستحيل معاشرته بكل الطرق اذا كان بسبب عدم اهتمامه بنضافته الشخصية وبشهادة اهله.. او بسبب حاجات تانية مقدرش اكتبها على الملأ.. انا من شهر 7 سايبة البيت مصرفش لا عليا ولا على بنتي جنيه.. بنتي كانت بتموت وميعرفش عنها حاجة ولما اتصلت بزميلته في الشغل عشان يرد عليا ويجي يودي بنته لدكتور اتصل بماما وقالها هيجي يطلع د** ابويا ( مسجلة المكالمة )".

وتابعت:" اخر مرة ضربني انا و بنتي كسر مناخيري وعملي اصابات في فخدي الايمن بسبب انه كسر عليا اباجورة الاوضة.. دلوقتي انا قفلتله الاكونت بتاعه لان بيبتزني وبيبعتلي شتيمة من عليه غير الاكونت الفيك اللي عامله وبيشتمني منه.. وفي الاخر الاقي صوري بقمصان نوم كنت ببعتهاله هو يمكن يكون راجل لو لمرة واحدة وكنوع من تغيير الروتين مع اصحابي وبيهددني انه ينزلها على النت".

واختتمت كلامها:"انا بكرة هنزل اعمله محضر.. بس ارجوكم زي ما بتشهروا بناس وتجيبوا حق ناس انا عايزة حقي.. انا مسرقتش ايميله زي ما هو كاتب انا قفلته بكثرة الريبورتات عليه لانه كان بيشتمني و يبتزني".