"مقدرش أعيش من غير راجل".. أبرز تصريحات صافينار في "شيخ الحارة والجريئة"
السبت 24/أبريل/2021 - 12:44 م
حلت الراقصة الأرمينية صافينار ضيفة عاشر حلقات برنامج "شيخ الحارة والجريئة" بموسمه الخامس، الذي تقدمه المخرجة إيناس الدغيدي على قناة "القاهرة والناس".
وجاءت أبرز التصريحات التي ذكرتها الراقصة صافيناز في خلال حلقة "شيخ الحارة والجريئة" كالآتي..
اتضربت من أبويا وأنا صغيرة ولعبت بالية من وراهم، وشايفة إن الرقص الشرقي ممكن يبقى أحسن من الباليه، بعشقه.
بعشق الراقصة فيفي عبده، ورقصت معها في أحد الأفراح، ولوسي جميلة لكنني أعشق تمثيلها ومسلسلاتها بشكل أكبر.
لو حد اتحرش بيّ وأنا برقص هاعوره في وشه ومش هينساها حتى لو هموت، هضرب وهتضرب.
مرة كنت راكبة مترو في موسكو وحد جرب يمسك وسطي لفيت وضربته بالرجل ووقعته من السلالم المتحركة ومسكته من قميصه وجيبت له الشرطة.
عمري ما اتجوزت جواز مصلحة، بس هتجوز جواز مصلحة إن شاء الله، ومش هتجوز عن حب، أحسن من أني أحب وأعيط.
تزوجت مرتين فقط وخُطبت 4 مرات ومقدرش أعيش من غير راجل.. في حد يعرف يعيش بدون راجل؟! لكن هيبقى عندي شغلي ومش همسك في إيده كل يوم.
تزوجت رجل في شرم الشيخ، لم أكن أحبه لكنه كان حنين، واعتزلت الرقص لمدة 4 سنوات.. لكن مفهمناش بعض، واكتشفت إن قلبه كان كبير زي فندق شيراتون أو فروسيزون، وخانني.
كل الرجالة اللي عرفتهم خانوني ومحدش فيهم طلع كويس.
