حلا شيحة ردا على منتقدي رسائلها الرومانسية لـ معز مسعود: "ناس تعبانة"

وجهت حلا رسالة لمنتقديها، قائلة: "في ناس نفسيتها تعبانة فعلا يا حرام ما بيصدقوا يلاقوا أي حاجة يتكلموا فيها وخلاص وأهم حاجة لفتت نظري الثقة في الكلام والهمة في الرد ما شاء الله ولا فن في الرد والتعليق".

وأضافت: "وأهم حاجة بقى عارفين الماضي وعايشيين مع الحاضر ومتنبئين بالمستقبل عموما إن شاء الله وفي شهر رمضان ربنا يغفر لنا وليكم، وافتكروا إذا جاءكم فاسق بنبأ فتبينوا، مش كل حاجة نسمعها عن فلان وفلانة لازم بالضرورة نصدقها وفي كلام جرايد كتير أخبار ملفقة والحقيقة لا يعلمها إلا الله".

وكانت حلا شيحة قد نشرت، صورا لزوجها الداعية معز مسعود، على حسابها الشخصى على موقع تبادل الصور والفيديوهات "انستجرام"، متغزلة فيه ووصفته بـ "الحب كله".

وتابعت حلا شيحة قائلة، "مفيش كلام يوصفك ويوصف غلاوتك عندى أجمل سند وأطيب قلب وأحن زوج ربنا يخليك ليا"، وانهالت التعليقات علي الصور بالاعجاب والدعاء لهما.