أيمن بهجت قمر عن إثارته للجدل بسبب إسماعيل يس: "بدافع عن راجل صاحب فضل علينا"

علق الشاعر أيمن بهجت قمر على الاتهامات التي وجهت له بأنه يحاول ركوب "التريند" بحديثه عن أزمة ظهور  شخصية الفنان الراحل إسماعيل ياسين في مسلسل "موسى".

وأكد أيمن بهجت قمر أنه لا يسعى لإثارة ضجة وأكبر دليل على ذلك أنه رفض كل المداخلات التليفونية واعتذر عن برامج منها "شيخ الحارة والعرافة".

وكتب أيمن بهجت قمر عبر حسابه الرسمي بموقع "فيس بوك": "عشان اللي بيقول بيعمل ضجة أو عايز سبوت أنا اعتذرت امبارح عن كل المداخلات التليفونية واعتذرت قبلها عن برنامج شيخ الحارة وبرنامج العرافه وتقدروا تسألوهم واللي بيدور على دوشه بيجري على البرامج والحمد لله الواحد ربنا كرمه بشغله".

وتابع: " وأنا اساسا مش فاضي عندي فيلمين بيتصوروا ده غير التحضيرات مع عمرو دياب والجسمي وغيرهم وده اللي بنرد بيه وده اللي بيعمل للواحد قيمه.. أنا بس بدافع عن راجل صاحب فضل علينا وبرضي أمي غير كده يبقى كلام فاضي".