تامر عاشور عن واقعة "مريضة السرطان": "اللي أخد كلامي تريقة نفوسهم ضعيفة"
الثلاثاء 27/أبريل/2021 - 12:28 م
رد الفنان تامر عاشور على حملة الانتقادات الموجهة إليه من قبل مستخدمى مواقع التواصل الاجتماعى، بعد نشر صورة له من مشاركته فى إعلان أحد مستشفيات سرطان الأطفال، ، مرفقة بتعليق أثار غضب الجمهور وهو "لا خدي أنتِ أنا صايم يا فاطرة.. بحبك".
وقال تامر عاشور عبر صفحته الرسمية بموقع "فيس بوك"، "صباح الخير .. أنا طول حياتى ومشوارى عمرى ما أتريقت على حد سليم علشان أتريق على مريض حاش لله.. واللى أخد كلامى تريقة على مريض نفوسهم ضعيفة وهم اللى مرضى بيفرقوا بين المريض والشخص الطبيعى".
وتابع كلمه، وقال: "لو نزلت صورتى مع أى طفل اللى هو غير مُكلف بالصيام " وقولتله بأى طريقة متشربش مياه قدامى يا فاطر أو خد دى يا فاطر أنا صايم.. حد هيتكلم؟ مستحيل علشان طفل طبيعى لكن المريض لاااااا منهزرش معاه زى الطبيعى علشان هو مريض ونفضل نقوله مريض مريض مريض ونحسسه بمرضه من تعاملاتنا".
وأوضح عاشور لمتابعيه: "المرض الحقيقى هو التفرقة بين أطفالنا اللى بصحة جيدة ربنا يديهم كل الصحة وأطفالنا اللى ربنا اختارهم للمرض.. المرض الحقيقى هو إن فكرة المعايرة جاتلك قبل 100 فكرة تانية ممكن تجيلك من جمال البنت وضحكها وبهجة الصورة".
وأضاف: "وللأسف شوفت كمان حاجه غريبة جدا .. ناس كتير قوى محسوبين على هامش هامش هامش المجال الفنى عمرهم ما شافوا منى حاجة وحشة غير إنى مباديهمش مواعيد لاقيتلهم تعليقات كأنهم ما صدقوا لاقولى غلطة وانصحهم العمر بيجرى حاولوا تعملوا حاجة لنفسكم أولى، البنت اللى فى الصورة فضلت فى حضنى طول تصوير الإعلان وبحبها جدا جدا .. ومتفقين أنا وهى على حاجات كتير قوى قوى هنعملها".
