زوجة أحمد الفيشاوي لمحمد رمضان: "مخيط نص هدومك عند الترزية وفاكرنا عبط"
الثلاثاء 27/أبريل/2021 - 03:57 م
هاجمت نادية الكامل، زوجة أحمد الفيشاوي، النجم محمد رمضان، بسبب الاتهامات الموجهة له باهانه للراحل إسماعيل يس، وبعد أزمته مع الطيار أشرف أبو اليسر، والذي توفي يوم السبت الماضي، عقب تعرضه لأزمة صحية.
وقالت زوجة أحمد الفيشاوي عبر حسابها الخاص بموقع التواصل الاجتماعي "فيس بوك" يا نجم مش عيب أبدًا إن الإنسان يكون غني ومعاه فلوس ومبسوط بيها طالما هو شقي وتعب فيها.. بس العيب عليك دلوقتي مفيش دلوقتي في العالم كله وبتكلم عن الناس اللي معاها فلوس حد ماشي زيك كده!!".
وأضافت: "جاهل جاحد أهوج.. الناس الفنانين والرياضيين ونجوم المجتمع بيكون عندهم big team عشان يهيئ حياتك وتعرف بتعمل إيه بفلوسك.. ومفيش حد دلوقتي غير وهو عنده life coach بيعلمك ويعرفك تطلع تقول إيه وإزاي وإمتى ودي مش عيب أبدا".
وأختتمت حديثها "الحاجات دي اتعملت مخصوص للناس اللي زيك.. اللي هما في مستوى عقلي واجتماعي ضعيف أو ناس أغنيا جدا ولازم team يدير الفلوس دي ومعاها حد يعرفك بتعمل إيه.. طبعا ده غير خلفيتك الفقيرة اجتماعيًّا ودنو نفسك وضعفها وكرهك لنفسك قبل الناس، وأنك قليل التعليم وده مش ذنبنا.. بجد أنت محتاج علاج ومحتاج تاخد خبطة في رأسك تنسيك أنك كنت سبب في قتل وموت إنسان وعيلته عشان معتقدش إن فيه إنسان يقدر يعيش ب ذنب زي ده وتبعاته.. يا نجم أنت الوحيد اللي أثبت صحة ومعنى كلمة الطبقية بجد "
وعلقت أيضا في منشور لها على موقع "الفيس بوك" ، على أزمة نمبر وان مع مصمم الأزياء "أشرف فجلة" الذي كشف عن عدم دفع محمد رمضان ثمن ملابس حصل عليها منذ عامين تقريبًا.
وكتبت نادية قائلة" ما تدفع يا نجم تمن الهدوم اللي خدتها، وخليت مدير أعمالك مايردش على الراجل الترزي سنتين ولما جه عندك عاملوه بطريقة بايخة، كنت ادفع أحسن من الفضيحة دي، ادفع تمن الـ4 سديري والـ3 بدل، والا هو كل شوية فالح بس تقولنا وغنيتهالنا كمان أن كل هدومك فيرساتشي فيرساتشي وأنت بتقلدهم ومخيط نص هدومك عند الترزية وفاكرنا عبط ومنعرفش الأصلي من المضروب".
وأكملت: "لكن ماتقرفناش كل شوية تجيبلك هدمتين أو حد يدهوملك هدية من اللي طال عمره على شوية من الترزي وتطلع علينا، versace نفسه مش كل هدوموا فيرساتشي يا خايب، من فضلك يا نجم البس في صمت وادفع اللي عليك.. ورجاء أخير ياريت تنطق كلمة versace صح".
