أحمد سعد لـ سمية الخشاب: "بلاش حركات من تحت لتحت أنا بحب خطيبتي"
الأربعاء 05/مايو/2021 - 04:22 م
كشف الفنان أحمد سعد، كواليس ظهوره في زفاف "موسى" محمد رمضان و"حلاوتهم" سمية الخشاب ضمن أحداث مسلسل "موسى" وهو الظهور الذي سبب حالة كبيرة من الجدل على مواقع التواصل الاجتماعي بسبب تجربة الزواج السابقة للثنائي أحمد سعد وسمية الخشاب.
وقال أحمد سعد، في تسجيل صوتي لبرنامج "MBC Trending"، اوجه الشكر للفنان محمد رمضان وقال "عايز أشكر صديقي العزيز محمد رمضان انه عزمني في فرحه على سمية وكنت هزعل أوي لو مكنش عزمني في مناسبة سعيدة جدا زي دي، لما كلمني أجي أغني وافقت علطول".
وأضاف: "ليوم كان حلو ومر بسلام قابلت سمية وسلمت عليها وسلمت عليا وهزرنا وضحكنا بس فوجئت بأنها قالت على وجودي رزق وجايله.. محصلش أنا روحت بالحب مأخدتش أي فلوس عشان بحب محمد رمضان وليا نجاحات كتير معاه".
وعن صورة القرنين التي نشرتها سمية الخشاب عبر حسابها على تويتر، قال: "بلاش حركات من تحت لتحت هنفضل طول عمرنا نعملها عشان الناس تشوف حاجات وحشة .. لقيتها منزلة صورة وحشة ليا"، مضيفا " أنا مبفكرش بالطريقة دي بفكر بطريقة عملية أنا خاطب دلوقتي وبحب خطيبتي ومعنديش خلافات مع سمية فبلاش الحركات اللي من تحت لتحت".
