أحمد كرارة لـ شقيقه: "ربنا يبعد عنك النفوس السودة والحاقدين"
الأحد 16/مايو/2021 - 10:58 ص
دعم الفنان أحمد كرارة، شقيقه الفنان أمير كرارة الذي تعرض مؤخرًا لهجوم شديد من الفنانة مها أحمد التي أعلنت أنها لجات لهما من قبل ليساعدوها في العودة للتمثيل من جديد.
وكتب أحمد كرارة ، عبر حسابه الرسمي بموقع التواصل الاجتماعي "فيس بوك"، قال فيه: "حبيت أكون من آخر الناس اللي هتتكلم على أمير كرارة علشان محدش يقول ما أنت أخوه ولازم تقول كده".
وأضاف "كرارة": "اعتقد بعد حب الناس الكثيرة قوي اللي اتكلموا عنه بالخير، النهاردة بيبين قد إيه إن فيه نفوس وقلوب سوده بتتمنى الأذى للناس الناجحة".
وتابع: "أنا بحمد ربنا أن أمير كرارة أخويا لأنه جدع وحنين وقلبه أبيض، وتعب وشاف المر اللي محدش يعرف عنه حاجة، بيعمل خير كتير محدش يعرف عنه حاجة علشان كده ربنا بيكرمه في شغله، وكرمه النهاردة بكل الناس النضيفة اللي اتكلموا عنه بكل خير وواثق أن ولا واحد، منهم كتب كلام مجامله ليه".
وأختتم: "أمير كرارة أخويا باشا مصر ونجم بأخلاقه وحب الناس.. ربنا يحفظك يا أمير ويبعد عنك النفوس السودة والحاقدين أنت واخواتي كلهم الطيبين".
