شاهد.. كلب يمزق جسد طفلة بمدينة المستقبل.. والسكان: "إحنا مش عايشين فى الشارع"

تداول رواد موقع التواصل الاجتماعي "فيس بوك"، مقطع فيديو يظهر فيه قيام كلب بعقر طفلة وتمزيق جسدها فى أحد شوارع مدينة المسقبل بطريق القاهرة الإسماعيلية الصحراوي. 

ونشر أحد الأشخاص مقطع الفيديو قائلًا: "نأسف لبشاعة الفيديو ودعواتكم للطفلة فهى فى غرفة العمليات.. عندنا مشكله مرعبة وهي الكلاب المفترسة.. الكلاب عندنا برية مهجنة بحكم أننا في بيئه صحراوية وبتتعامل مع حيوانات مفترسة كل ده معنديش فيه مشكله نهائي".

وتابع: "إحنا عايزين حل الكلاب بتاكل الاطفال بالمعني الحرفي للكلمة.. بنت لا تتعدي 7 سنوات واقفه قدام عمارتها معملتش أي حاجه جه كلب وهجم عليها وعضها من رقبتها وشدها بعيد وحاول ياكلها.. !! ده اسمه إيه..! وارد اي حد يكون مكان الطفلة ديه.. إحنا المفروض مش في غابه احنا حقنا نعيش عيشه محترمه والأطفال تعيش براحتها وتلعب في المكان اللي تحبه ده احنا كومباوند مقفول حتي مش قاعدين في الشارع". 

وأضاف: "البنت في المستشفي مع أهلها ومحدش يعرف لسه عنها أي حاجه ياريت أي حد يتدخل ينهي المهزلة اللي بتحصل دي لأنها مش أول ولا عاشر مره تتكرر الموضوع شبه يومي بيحصل من الكلاب ده غير أن الكلاب بتهجم ع العربيات نفسها ولو ملقيتش حاجه تاكلها بالمعني الحرفي بياكلو بعض قدامنا.. فيه أطفال فيه ناس كبيرة فيه ستات حوامل فيه ناس طبيعية من حقها تعيش عيشة محترمه ليه نعيش في وسط العنف ده!.. إحنا عايزين حل نقضي بيه على الكلاب ديه أيا كان إيه هو".