"العشرة بتحكم الواحد".. القصة الكاملة لأزمة مها أحمد مع السقا وأمير كرارة
الإثنين 17/مايو/2021 - 02:55 م
أثارت الفنانة مها أحمد حالة من الجدل خلال الأيام القليلة الماضية، بسبب ما قالته عن النجمين أحمد السقا وأمير كرارة، حيث وجهت مها أحمد عدة اتهامات لهما بأنهم لم يهتموا بها بعدما طلبت منهم العمل معهم لأنها منذ فترة طويلة لم تعمل، وتجاهلهما لها مما جعل هناك جدلا كبيرا على السوشيال ميديا.
هجوم مها أحمد على السقا وكرارة
وجاء منشور مها أحمد عن النجمين كالآتي: ""عوضي على الله دى الجملة اللى دايما بقولها لما اتصدم فاشخاص. الحكاية ياسادة نجمين عملوا مسلسل واتنجمت عليهم بنوته لسه ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلز الدعاية للمسلسل وهما راضيين رغم أن طول عمرهم مبيعملوش كده مع أى زميلة لهم اقربها أنا".
أضافت:"النجم الأول بينى وبينه عيش وملح وزمالة رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتدئة، المفروض أنه عارف قيمتى الفنية وعارف إني إضافه له اتهرب منى وموقفش جنبى وباعنى رغم أن الكل عارف انى زى أخته (ندل)".
وتابعت: " أما التانى كان فبداياته يتمنى يسلم عليا ويقولى يااستاذة نزلت من نفسى وقلتله مش هنشتغل مع بعض ماهى الحوجز مرة رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت ( عوضى عليك يارب) .تمر الايام والاتنين يعلو ويتجمعوا مع بعض فمسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذه) .يمهل ولا يهمل".
واختتمت كلامها: " ابدوا من جديد يااوفر تمثيل ياللى مابتقروش ياكومبارس جنب النجمة نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا ( عوضنا على الله ) .يارب متحوجنا لحد حتى ولو كان اققرب الناس لينا".
والدة وشقيقة أحمد السقا في خلاف مع مها أحمد
قالت شقيقة السقا في بوست لها على "فيس بوك" :"الكلام ده موجه ليكى يا أستاذة بدل ما تفضلى تمسحى ردى كل شوية ..ابهرتينى يا مها بأخلاقك العالية .. و بانك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه "ندل" اللى هو احمد السقا.. بس انا بقولك قدام الناس قطع لسان اى حد يقول عليه كده لانه راجل اكرمك و وقف جنبك انتى و مجدى بدل المرة الف".
وتابعت: "أمير كرارة بردو راجل جدع و محترم للى ما يعرفهوش فى البوست بتاعك ده.. معرفش ايه الفرص اللى كانت عندك اللى كان يتمنى يشتغل معاكى فيها زمان بس هو اى حد يتمنى يشتغل معاه دلوقتى اكيد .. و كلمة الدور بينادى صاحبه دى بتاعة افلام .. ما بتتقالش فى الحقيقة .. كفايا دراما و تشويه للناس..و بعدين هما كممثلين مش مطالبين يقفو جنبك ولا يجيبولك ادوار على فكرة.. دى رؤية مخرج و ناس بتوع كاستنج".
وأضافت: "الحقيقة انا مش عارفة انتى عايزة ايه ..انا مش شايفة بعد العشرة الطويلة اللى انتى قولتى عليها غير كمية الحقد و السواد و الشماتة اللى كانو متداريين ورا ابتسامة كدابة معرفش انتى ازاى كنتى بتدخلى بيوتنا الصراحة وانتى ست وحشة كده السب و التطاول ده بيدل على الاصل.. و احنا بقى ولاد ناس مع اننا عندنا كلام كتير اوى يتقال".
أما والدة السقا فقالت: "على الأصل دور، كومبارس فاشلة تتطاول وتسب فنانين كبار وتعلق فشلها عليهم، تبحث عن الشهرة بطريقة بذيئة مهما حاولتي يا كومبارس، ليس لك مكان بين الفنانين المحترمين، وإن طلع العيب من أهل العيب ما يبقاش عيب".
مها أحمد تدافع عن نفسها في بث مباشر
نشرت الفنانة مها أحمد ، فيديو عبر صفحتها الشخصية على موقع التواصل الاجتماعى فيس بوك بعد ما أثارته من منشور يتعلق بالفنان أحمد السقا وأمير كرارة ، للتوضيح لجمهورها قائلة" لما كتبت إمبارح كنت بعبر عن حاجة جوايا ، واستغربت جدا من الهجوم عليا .. ودى حكاية زى أى حكاية أنا بحكاية وعلشان كده عملت الفيديو ده للتوضيح علشان فى ناس بتصطاد فى الماية العكرة"، مضيفه حول تدوينتها التى اعتبرها البعض هجوم على الفنان أحمد السقا والفنان أمير كرارة " شئ طبيعى لما ألاقى حاجة تلفت نظرى ورد اعتبار بالنسبة ليا.. انا مش بشمت فى حد ولو بشمت كنت شمت فى نقسى انى قاعدة فى البيت".
وتابعت " جات عليا فترة أيام ماكنت بكبوظة كنت بشتغل كويس أوى .. وبعد ما عانيت من آلام فى الضهر والركب فعملت دايت قاسى جدا وخسيت .. وبعد ما خسيت قعدت فى البيت 3 سنين من غير شغل".
وقالت " قعدت فى البيت كتير وفضلت اسأل نفسى هو انا عملت حاجة .. لحد ما فى زميل قالى انتى عملتى صدمة لان الناس كانت حطاكى فى دور معين"
أحمد السقا وأمير كرارة ينهيان خلافهما مع مها أحمد
أنهى الفنانين أحمد السقا وأمير كرارة، الخلاف بينهما وبين مها أحمد بعد الفيديو الذي نشرته، وكانت تهاجمه بأنه تجاهلها عندما طلبت منه العمل معها، مما جعل هناك جدلا كبيرا على السوشيال ميديا.
وكتب السقا، عبر حسابه الرسمي بموقع التواصل الاجتماعي "فيس بوك"، "العشرة بتحكم الواحد.. والعيش والملح عقد.. وعفى الله عما سلف يا أختى العزيزة مها".
من جانبه وقال كرارة في تعليق لديه كتب به: "مها أختي ومجدي أخويا وأنا والله ولا زعلان ولا أي حاجة عشان فعلا الموقف دا محصلش، وبردو مش زعلان منها دي حبيبتي ومجدي حبيبي وأخويا".
