متدربة تفجر فضيحة "تحرش جنسي" في وجه المخرج محمد سامي
الإثنين 17/مايو/2021 - 03:29 م
قررت فتاة تدعى منة فايد الخروج عن صمتها، وكشف تصرفات المخرج محمد سامي وطريقة تعامله مع الممثلين أثناء الكواليس، خاصة بعد حالة الجدل الذي أثيرت حوله بعدما قررت الشركة "المتحدة" للخدمات الإعلامية وقف التعامل معه، بعد مسلسله الأخير "نسل الأغراب" الذي خاض به السباق الرمضاني 2021.
وكشفت منة فايد، الفتاة التي كانت تعمل متدربة مع محمد سامي عن تصرفاته أثناء تصوير مسلسل "حكاية حياة" للفنانة غادة عبد الرازق، قائلة في منشور لها عبر حسابها الرسمي بموقع التواصل الاجتماعي "فيس بوك"، "محمد سامى نزلت معاه اول تدريب في حياتى عن طريق اشرف زكى في مسلسل حكاية حياة و متحملتش اوردرين و مشيت كان بيستمتع بإهانة الناس اللى تحته في موقف مثلا كنا بنصور في شركة المفروض ده مكتب احمد زاهر و كنت انا و هو و المساعد الأول في المكتب و انا وقتها كنت بعانى من قصور كلوى فكان لازم اشرب ميه فكنت بشيل ازازة مية لتر و نص عشان على طول يبقى بشرب ميه طلب ميه و انا الميه اللى كانت معايا متبرشمه".
وتابعت: "عرضتها عليه قالى لا دى كبيرة اوى انا هطلب ازازة صغيرة المهم سألنى انتى مين اللى ماسك الورشه بتاعتك بقوله الاستاذ على بدرخان لاقيته رادد حمار انا وشي احمر ضحك و قال للمساعد الاول شوفت وشها احمر ازاى رديت عليه قولت له مين حمار رد قال على بدرخان طلعت برة عدى من قدامى و قالى على بدرخان حمار و دخل اوضته عشان يبتدى الاوردر.. وفي نفس الاوردر اتحرش بنجلاء بدر في اوضته و لما اتخضت قالها ايه متلمستيش قبل كده ؟!! انا جالى ذهول ان ممكن واحدة تتحمل ده ؟؟".
وأضافت: " في اوردر تانى كان فيه نهى العمروسي و فراس سعيد الشمس خلاص بتروح و البريك قرب و هو عاوز يخلص المشهد نهى العمروسي داخله المفروض بشنط شنطة ايدها و هى نسيت او حاجة فهو عاوز ياخد المشهد بسرعه فالاسكربت بسرعة بيحط الشنط جنبها و هو بيصرخ الشنط قام شاتم".
أردفت: " نهى ارتبكت و قالت محدش قالى الاسكربت قالها معلش بعد ما خلص المشهد قال Cut وتف في نفس الاوردر في مشهد لاحمد زاهر داخل على نجلاء بدر المفروض انه ماسكها بتخونه مع فراس فبيضرب فراس و بيسحله و بيمسك المسدس ,, قعد يتريق على فراس يقول لزاهر حط له المسدس في بقه لامؤاخذه في بقه والمساعدين اللى حواليه طبعا لازم يضحكوا".
وأختتمت كلامها: "ده مش مخرج ولا فنان ولا اى حاجه الرجل ده بيعتمد على فلوسه و على علاقاته مافيش فنان و الفن يعنى وعى و احترام و ثقافه يتعامل مع ممثلينه و الناس اللى بتساعده بالطريقة و تعمد الاهانة بالشكل ده".
