"حد عايز حاجة".. أول تعليق من تامر حبيب على رقصه بالجونة وتجاهله جنازة سمير غانم

علق السينارست تامر حبيب على انتقاد الجمهور له لغيابه عن حضور عزاء النجم الراحل سمير غانم وظهوره فى فيديو يرقص فى نفس اليوم مع الهضبة عمرو دياب فى فرح نجل أيمن الجميل بالجونة.

وقال تامر حبيب عبر صفحته الشخصية على موقع التواصل الاجتماعى " فيس بوك"،" طيب، انا فعلاً حزين و موجوع علي وفاة الاستاذ سمير غانم، و للاسف ماقدرتش اروح الجنازة و الدفنه لإني في الجونة و حصلت ظروف تمنعني اسافر الصبح و ارجع بالليل علشان اروح الفرح، و للحق الفرح كان جميل و طاقته كانت حلوة، فرقصت و غنيت مع عمرو دياب و اتصورت مع اصحابي... حد عايز حاجة ؟"

وتابع "اوصي كل اللي بيحبوني و هايزعلوا عليا، يوم ما اموت و يبقوا حزاني من قلبهم، لو كان نفس اليوم فيه اي حاجة ممكن تبهجهم و تنسيهم حزنهم يعملوها فوراً... و انا هابقي مبسوط قوي".