خالد عيد عن تراجع نتائج غزل المحلة: "السماسرة بيلعبوا فى دماغ اللاعيبة"

وجه خالد عيد، المدير الفنى لفريق غزل المحلة، اعتذارًا لجماهير غزل المحلة عقب تراجع نتائج الفريق خلال الفترة الماضية فى بطولة الدورى المصرى الممتاز.

وكتب خالد عيد عبر حسابه الشخصى على موقع التواصل الاجتماعى "فيس بوك": "أنا بعتذر لكم كلكم أخواتى المحترمين جمهور الغالى بس بحب أوضج حاجة أنا لما جيت النادى بعد فترة كبيرة بعيد جينا لاقينا النادى فى انهيار تام وفى الدرجة الثانية".

وأكمل: "وخدنا عهد على نفسنا ان لازم نادينا يرجع لوضعه الطبيعى وسط الكبار، والحمد لله بفضل ربنا ومساندتكم الفريق رجع واتكلمنا مع الناس قبل الدورى، إن شاء الله الفريق هيكمل ومش هينزل ونعد فى حتة كويس موعدناش أكتر من كدا".

وأضاف: "أنا عارف ام معظم الجمهور طموحهم زادت بس خلينا واقعيين، اللاعيبة دى فيهم ناس أول مرة تلعب دورى عام فى خبرتهم مع ضغط الماتشات كتير عليهم لكن والله العظيم احنا بنموت نفسنا عشان خاطر الجمهور يبقى فرحان".

وأتم حديثه: "ممكن الاجهاد والسمسرة اللى بدأوا يلعبوا فى رأس اللاعيبة يكونوا سبب معلش للإطالة وسامحونا".