أحمد فلوكس لـ"صاحبة أعمال السحر": دمرتي حياتي وسُمعتي

وجه الفنان أحمد فلوكس، رسالة نارية إلى فتاة كانت بينهما علاقة عاطفية لفترة لكنه اكتشف بعد ذلك أنها أجرت له أعمال سحر لإيذائه، فقام بمخاطبتها عبر حسابه الرسمي على موقع التواصل الاجتماعي "فيس بوك".

وكتب أحمد فلوكس: "يعني أعمال وسحر وخيانة طول الوقت وكدب وتشويه سمعة وزق ناس وشراء ناس من حوليا.. أنتي إيه يا شيخة ... دا أنت الشيطان نفسه.. يعني خاينة وواطية وكمان بتخلي كل اللي حواليا خاينين بالفلوس بالسحر المهم توصليلي.. مش مصدق أنا إزاي عرفت بني آدمه زيك".

وتابع :"دفعتيني الطاق طاقين وبسببك سيبت بيتي وحياتي حتى نفسي مش لاقيها من كم الأعمال والسحر بتاعتك... حولتيني لشخص مش أنا.. حياتي ادمرت.. ودمرتي حياة ناس كتير طبعًا مش أنا بس.. كارت النيابة مانفعش واتفضح خش على كارت الأعمال ولا أقولك خش على كارت اشتري اللي حواليا ولا أقولك لا زوق الناس ترفع عليه قواضي ولا أقولك لا سوء سمعته ولا أقولك لا كل يوم عمل  وسحر.. ولا أقولك لا راقبه.. ولا أقولك لا أنا مش هاسيبوا غير لما ادمروا.. ولا أقولك أعمل عمل لمراته.. لأبوه.. لكل اللي حواليه.. المهم بقالك سنة على نفس الحال.. أذى في أذى في أذى.. حتى يوم ما دبحت لله تتقهري وتقولي مظبت حالي ومعايا فلوس ولما صحابك يقولولك سيبيه في حاله تقوليلهم لا".