بعد تغيير مجلس إدارة المتحدة .. لميس الحديدي: سنة الحياة
السبت 29/مايو/2021 - 11:47 م
أكدت الاعلامية لميس الحديدي ان تغيير مجالس الادارات سنة الادارة الاقتصادية الكفأة وعلى الجميع ان يتعامل مع هذا الامر بشكل طبيعي قائلة : " مش لازم لما واحد منصبه يتغير تطلع شائعات على غرار فلان غضب عليه ومعرفش مين زعل منه وتعد ناس تقول ده فاسد او عليه علامات إستفهام .. لان الحياه مراحل ومجالس الادارات بتخصصاتها المختلفة مراحل حيث أن كل مجلس إدارة له تخصص معين لمرحلة معينة بمجرد إنجاز مهمته يتم تطعيم مجلس الادارة بعناصر بتخصصات مختلفة لاستكمال مهمة لاحقة في إطار خطة تطوير مووضعة مسبقاً "
تابعت عبر برنامجها " كلمة أخيرة " المذاع على شاشة " ON" قائلة :" مش عارفة فيه إيه ؟ لما حد بيعد في منصبه فترة طويلة تطلع ناس تقلك هيفضل قاعد في مكانه مش هيتحرك والغريب لما يحصل تغيير تطلع ناس تقول غيروه عشان عامل مصيبة وأنتوا مخبينها "
أتمت : " التغيير سنة الحياه بقينا بنشوف وزراء ومسؤولين ومحافظين بيتغيروا بشكل عادي لازم نتعود على ده وعلينا أن نتعلم أن نشكر ونحترم السابقين في مجالس الادارات ".
موجهة الشكر لمجلس الادارة السابق للمتحدة للخدمات الاعلامية بقيادة تامر مرسي قائلة : " لازم نتعود نشكر السابقين في مجلس إدارة المتحدة للخدمات الاعلامية بقيادة تامر مرسي وانا شخصياً بوجهله التحية لانه بذل مجهود كبير وخرافي عشان نوصل لنتائج النهارده ... لازم نتعلم أن نشكر السابقين ووجوده في المجلس الحالي أو حتى النهارده في المؤتمر داخل القاعه هو تقليد محترم ... لازم نتعود على ده مش معقول ناس تتعب معانا وتشتغل له دور وكل مرحلة تبنى على سابقتها ".
أتمت : "الاعلام سواء حكومي او خاص ليس مجرد ارقام لكن هو تأثير ومعلومة وخبر وتوعية وتسلية ..وجميعها عناصر مهمة تندرج تحت كلمة " التأثير " فالارقام والارباح مهمة لكن المكاسب المادية قد تتراجع وتتناقص في قياسها مع التأثير ... إحنا قدام ناس فاهمة قيمة الاعلام فالتأثير أهم "
