شاهد.. لحظة قيام مريضة نفسيًا بطعن طفلة حتى الموت بشبرا الخيمة

تداول رواد مواقع التواصل الاجتماعي، عدة صور ومقاطع فيديو يظهر فيها قيام إحدى السيدات بطعن طفلة فى إحدى شوارع منطقة شبرا الخيمة حتى الموت، فى واقعة لا تمت للإنسانية بصلة.

ونشر أحد الأشخاص على موقع التواصل الاجتماعي "فيس بوك" تفاصيل الواقعة قائلًا: "الله يرحمك يانورهان ياقلب أمك.. نورهان كانت معاها شنطة فيها 3 قرايص سجاير رايحة توديهم لأبوها راجل غلبان فاتح كشك سجاير.. وكانت ماشية في حالها زى ما أنتم شايفين الست اللي ضربتها كان معاها سكينة كبيرة".

وتابع: "طب ياجماعة لو دى مريضة نفسياً زى ما الناس بتقول أهلها بينزلوها من البيت ليه وخصوصاً أنها ضربة بنت في ثانوي عام ياقلب أمها في حالة خطر وبنت تانية صغيرة.. مش المفروض أهلها يتحاسبوا أنهم سايبنها تأذى بنات الناس.. أهلها بعتوا ناس قالوا معانا محامي هيطلعها مريضة نفسياً ولو لاحظتو الفيديو أنها بعد ما البنت انضربت بالسكية جريت والتانية وراها لحد ما البنت لفت من الشارع وطلعت على الرئيسي التانية خافت ورجعت".

وأضاف: "طب اللي خايفة من الناس وأنها تتمسك مريضة إزاى وحتي لو مريضة إزاى أهلها سايبنها تنزل لوحدها وفي منتهي البرود بيقولو بنتنا مش هتنحبس فيها يوم يرضي مين دة طفلة بريئة تموت بالطريقة البشعة دى البنت مسبتش الشنطة اللي فيها شغل أبوها وفضلت تجرى لحد ماراحتلو وادته الشنطة في إيده وفقدت الوعي راح مستشفى الأمل قالو بتموت روح معهد ناصر وصلت متوفية والطب الشرعى قال الطعنة سببتلها قطع في الطحال والمعدة والرئة يرضي.. نبقي ماشيين في أمان الله نلاقي اللي بيضربنا ويموتنا حسبي الله ونعم الوكيل".