مسن الأتوبيس لـ"مصر تايمز": تعبان وحاسس أنى هموت بسبب اللى حصل (فيديو)

وأضاف "مجدي" فى تصريحات خاصة لـ"مصر تايمز"، أنه كان متوجهًا لزيارة أولاده فى منطقة الهرم فاستقل أحد أتوبيسات النقل الجماعي، متابعًا أنه دفع 5 جنيهات للكمسري وأخبره أنه مسن لتجاوزه 60 عامًا، فأعطاه الكمسري تذكرة بـ2,5 جنيه وتجاهل إعطاؤه باقي المبلغ المالي.

وتابع، أنه سأل الكمسري عن باقي المبلغ المالي ففوجئ به يتجاوز بحقه قائلًا له "مسن إيه أقعد ساكت"، مضيفًا: "أنا قلتله خلاص مش عايز منك حاجة فقالي أنت هتبقشش عليا وكلمني بطريقة مش حلوة.. وقال أنه هيوديني القسم يتهمني أني سرقت العهدة بتاعته.. وقعد يهز فى الكرسي بتاعي ويقول أقعد أنا هسلمك".

وأكد "مجدي" أن باقي ركاب الأتوبيس حاولوا إبعاد الكمسري عنه قائلين "هو بيكلمك كويس" ولكنه طلب منه إعطائه التذكرة، متابعًا: "أنا اديته التذكرة ونزلت من الأتوبيس.. معرفش مين اللي صور اللي حصل ولا نزله فين.. وتعبان نفسيًا من القهرة وحاسس أني هموت".