"مش لاقي سبب لبعض الأوجاع".. عماد متعب يكشف تطورات حالته الصحية
الإثنين 21/يونيو/2021 - 11:39 م
كشف عماد متعب، نجم منتخب مصر والنادي الأهلي الأسبق، الأسباب التي دفعته للتفكير في السفر إلى أوروبا، لإجراء فحوصات طبية.
وقال عماد متعب في تصريحات تلفزيونية، "من فترة تعبت ودخلت المستشفى وكان عندي حصاوى في الكلى وفي القولون، وكنت عملت عملية في عيني وده اللي مخلي عيني ظاهرة كده للناس، حاجات طبيعية الحمد لله مفيش أي مشكلة كبيرة، وبشكر كل الناس اللي بتسأل الحمد لله مفيش حاجة".
وأضاف: "كانت المشكلة الأكبر حين أصبت بالجلطة، وبدأت في تناول دواء للسيولة مدى الحياة، ولكن أحب أطمن الناس أنا تمام ومفيش مشاكل، وسفري للخارج كان للاطمئنان على حالتي فقط".
وتابع متعب: "أشعر بعض الآلام في الجانب الأيسر رغم خلو التحاليل من أي مشكلة، وقد أسافر للخارج من أجل الاطمئنان بشكل كامل على صحتى، وأشكر مسئولي الأهلى على الاطمئنان على صحتى وعرضوا عليا السفر أي مكان في العالم للاطمئنان على صحتى".
