"تجاوزات وبنات مش لابسين".. فتاة تحكى تجربتها بتطبيق حنين حسام
الجمعة 25/يونيو/2021 - 05:31 م
تداول موقع التواصل الإجتماعى "فيس بوك"، مقطع فيديو لايف لفتاة تدعى "نورهان خليل" وشهرتها "نورهان القاضى"، تتحدث فيه عن تجربتها الشخصية مع تطبيقات اللايف وبالأخص أبلكيشن "لايكى" الذى كان يستخدماه بفتاتى "التيك توك" حنين حسام ومودة الأدهم.
قالت "نورهان" : "أنا مش عارفة هل ده صحيح أم خطأ اللى هتكلم فيه ده.. وحابة أحكى تجربتى الحقيقية مع اللايفات وأصريت على ده بعد الحكم الصادر ضد مودة الأدهم وحنين حسام لعل وعسى كلامى ينقذ بنت أو بنتين".
وأضافت: " أنا جربت فعلًا الابلكيشين واى بنت ماشية فى السكة دى هحكيلك تجربتى وشوفى هتتصرفى ازاى بعد ذلك.. أنا اتخرجت وتزوجت مثل كل البنات..وقابلت فى طريقى بنت طلبت منى أطلع لايف واشتغل مذيعة وسألتنى عن ما سأقدمه".
وتابعت" نورهان": "أنها وافقت تقدم وتروح تنفذ كلام البنت دى وأن هذا المجال مغرى وبمبلغ مغرى جدًا..والحقيقة استغربت من طلبها وأن الفلوس كتير كدا لكن وافقت وقولت دى فرصة ومن عند ربنا..وأنا جربت وفتحت الكاميرا ولكن فشلت وقولت ربنا بيحبنى أنه بعدنى عن ذلك المجال".
وقالت: "وبعدها أصحاب الشغل دول ابتدوا يتغيروا تمامًا ويطلبوا طلبات كتير ومعلومات عنى كتير.. كلمة اتجار بالبشر دى قليلة باللى بيحصل جوا وشوفته حقيقى والبنات يعتبر مش لابسين..وكل شوية يخوفونا أن المحجبين بيخرجوهم ويعملولهم حظر..بيطلبوا مننا نحط ميكب وندلع..عشان يشحنولنا فلوس".
واستكملت: "جالى رسايل على الأكونت بتاعى أن أشخاص يدعمونى بس بيطلبوا طلبات وحشة وبأسلوب بشع وأنى أخد رقمه قصاد أنه يعليلى التارجت بتاع الأكونت..ده اتجار بالبشر فعًلا انتو بتتكلموا فى إيه".
