"اداها قلمين".. فتاة تتعرض لمحاولة تحرش واعتداء: "كله عمل مش واخد باله" (فيديو)

ووثق مقطع فيديو مدته 44 ثانية الواقعة، ويظهر فيه الشابة وهي تسير فى الشارع برفقة صديقتها ثم يحاول أحد الأشخاص الكلام معها وتنشب بينهما مشادة كلامية، وخلال لحظات ينقض عليها ويصفعها عدة مرات على وجهها أمام صديقتها وجميع المارة في الشارع، حتى تسير الفتاة وحدها بعيدة عن الشارع ويظهر المعتدى على الفتاة في حالة انفعال وسط أصدقائه وهم يحاولون تهدئته.

وقالت "ليلى"، عبر حسابها الشخصي بموقع "فيس بوك": "أنا اتعرضت لموقف متمناش أي حد يتعرضله، حرفياً مفيش أمام في الشوارع حتي الناس من كتر ما بقت تخاف أو سلبية بتشجع أي متحرش أنه يتمادى.. الطبيعي إن موقف زي دا الناس تدافع عني وياخدوه على أقرب قسم إنما اللي حصل كله عمل مش واخد باله واللي اتدخل اتدخل عشان يهديه؟".

وأضافت الفتاة: "لفت نظري حد بيتكلم وبيقول خدي يا كذا وبيفتح باب العربية بتاعتو وجاي عليا.. أنا خفت فرجعت قولتله حضرتك بتكلمني أنا؟.. ملحقتش أتكلم لقيت إيده بتتمد عليا ومجرد ماقلت أصور رقم العربية والحمد لله صورته أول ما شاف صحبتي بتاخد الرقم جري لدرجة أنه كان هيخبط ناس بالعربية واتشد سلسلة دهب من رقبتي وحلقي وقع.. أنا حقي مش هسيبه وهيبقي مثال لكل واحد يفكر يعمل كدا ف بنات تانية وأكيد زي ما عمل كدا فيا أكيد عمل كدا في غيري مش هسيب حقي غير أما أديله القلمين دول عشرة".