بعد أزمة ابنة هبة قطب.. مراد مكرم: "لو مكان فيه قواعد نروح ليه؟"

ووصف الفنان مرام مكرم، بأنها أزمة متكررة، وذلك من خلال حسابه الرسمي على موقع "فيس بوك"، وقال في منشور له: "مصر كبيرة قوي يا جماعه، ما هياش أوضه وصاله علشان كل سنه نفس الخناقات، والصعبانيات، والكره، والشتيمه".

وتابع: "مصر فيها آلاف الكيلومترات من الشواطئ الجميله و آلاف بل ملايين حمامات السباحه، ليه ما يتمش تقسيم الشواطئ الي شواطئ للبوركيني و شواطئ للمايوهات العاديه...ابه الي يمنع يعني بدل صداع كل سنة ده...معظم الفنادق بالذات في المنتجعات عندها اكتر من حمام سباحه، تخصص منهم للبوركيني و منهم للمايوه العادي وخلاص...ايه المشكلة".

وأضاف: " بعدين لو مكان حاطط لنفسه قواعد ،هو حر ،ليه نروحله طالما لا تنطبق علينا الشروط...لو مكان عام حقك تعترضي بس طالما مكان خاص من حقه يحط القواعد الي شايفها في مصلحة مكانه ومن حقك تقاطعيه".

وروى قصة أحد المطاعم في منطقة شبرا، قائلا: "قصه قصيره حزينه حصلت من كام سنه في شبرا و معظم الشبراويه سمعت عنه.. .احد المطاعم الي اكتشفنا بعد كده ان مالكه اخواني ، كتب علي المحل مطلوب عمال و موظفين و تحتها المسيحيين يمتنعون.... و الكلام وصل للبابا شنوده في اجتماعه الاسبوعي.... من غير ولا تشنج ولا عصبيه ولا كلام كتير ،البابا رد و قال الي مش عايزنا مش عايزينه".