" مشاكلها كتير".. جمهور حسام حبيب يهاجم نضال الأحمدية (صور)

نشر الفنان حسام حبيب فيديو له منذ ساعات قليلة، كشف خلاله عن تسجيل صوتي للصحفية المتسببة في أزمته الشهيرة مع زوجته المطربة شيرين عبد الوهاب بسبب تسجيل والد حسام حبيب المسرب. 

وظهر في تعليقات مستخدمي موقع التواصل الاجتماعي "انستجرام" تعاطف جمهور حسام معه ومع زوجته وهجومهم على الصحفية والإعلامية اللبنانية نضال الأحمدية.

وجاءت التعليقات كالآتي: " مفيش حد بيحبها في لبنان تتبع عورات الناس وعايشه علي فضايح الناس السبق الصحفي عمره ماكان تشهير بلناس بعتقد الصحافه تغيرت مفاهيمها عن الأاول ارمو وراء ظهركم لان في بعض الناس انعدمت مكارم الاخلاق عنهم الله يحفظكم ويسعدكم".

وقال شخص آخر: "متردش على نضال الأحمدية لأنها ماتستاهلش وتاني حاجة هي عايزة ترجع للساحة بمشكلة مع فنانة كبيرة تعيد لها الأضواء لأنها كانت غايبة في امريكا ولها مشاكل من قبل مع اصالة وكتير من الفنانين متردش عليها وتنزل لمستواها".

وفي تعليق آخر: "المفروض تشتكوا عليها ضروري وتتوقف عند حدها .. المهم انك وشيرين سوا تبقون باذن الله لنهاية العمر وتعملوا اغاني سوا جميله زي زمان وحشيناااااااا خالص".

وقال حبيب في الفيديو "معلش شكلي كده أظهر في الفيديو كتير، عشان مش عارف أسميها ايه بصراحه اللي مفروض يعني انها بتدعي انها صحفيه وانها عملت عمل صحفي، بسالها سؤال، نسمع مع بعض كده هي بتقول ايه".

وقام المطرب حسام حبيب بتشغيل مقطع صوتي لصحفية وهي تقول "هذا سر هذا مش مذيعه نحن اخترقنا هذا الرجل بطريقتنا وبقالنا 6 شهور نشتغل على الموضوع الآن عندنا معلومات بس معندناش اثباتات، وأن هذا العمل الاستقصائي بيتوجب أن نخرق الأخر اذا كان ظالم، وصحتين على قلبه أكل البوكس واعترف بكل شئ".

وعلق حسام حبيب على هذا التسجيل قائلًا "عايزه أقول لحضرتك انتي بقى أختارقتي الأخر ازاي !!!! ، أولًا عمل استقصائي يااا.. مفيش وصف، أنهي عمل استقصائي اللي يسمحلك انك تخترقي حيات ناس وتبعتي واحده وانتي معترفه بلسانك إنها مش مذيعة، هتكون شغاله ايه الواحده دي ما أكيد من الشبكه اللي انتي بدريها، الآن اكيد الناس كلها عارفه شغلك الحقيقي ايه".

وطالب الفنان حسام حبيب من صاحبة التسجيل الصوتي أن تعلق على هذا التسجيل والتأكد ان هذا التسجيل صوتها أم لا، مؤكداً لها أنها سوف تدفع الثمن كبير، ومختتمًا حديثه  بسؤال "اللي انتي بعتها دي ايه !! ما أكيد مش دكتورة سنان، دي واحده من الشبكه اللي انتي بتدريها".