نصيحة سمية الخشاب للستات: " الأمان بالله دائما مش مع الراجل"
نشرت النجمة سمية الخشاب تغريدة عبر صفحتها الشخصية على موقع التواصل الاجتماعى " تويتر" قائلة" اي إمراه بتقول انا حاسه بالامان مع الراجل ده ايا كان بقي جوزها خطيبها حبيبها يا عزيزتي الامان بالله دائما وابدا وبس!"، جاء ذلك بعد الأزمة التى تم تداولها منذ ساعات والخاصة بشيرين عبد الوهاب وحسام حبيب بعد تسريب صوتى لوالد الأخير قال فيه أن نجله يخطط للاستيلاء على أموال شيرين والزواج من أخرى.
وكانت المطربة شيرين عبد الوهاب، قد نشرت تسجيل صوتى، للرد على التسجيل المزعوم لوالد زوجها المطرب حسام حبيب، مؤكدة على أن لا يوجد أى شئ بينها وبين زوجها وأن كل ما يثار لا أساس له من الصحة، مطالبة جمهورها بالدعاء لهما بأن يرزقهما الذرية الصالحة .
وأشادت شيرين عبد الوهاب، بوالدة زوجها حسام حبيب قائلة: "عاوزة أقول كمان أن الست حماتى اللى ربت راجل أخلاقه عامله كدة أكيد لازم تكون ست عظيمة.. حسام أنسان عظيم.. وأمه ست عظيمة" .
فيما تجاهلت شيرين عبد الوهاب، والد زوجها فى التسجيل الصوتى الذى نشرته عبر موقع التواصل الاجتماعى "تويتر" للرد على أزمة التسريب الصوتى لوالد حسام حبيب
وقالت شيرين عبد الوهاب فى التسجيل الصوتى الذى نشرته عبر موقع التواصل الاجتماعى "تويتر": "عاوزة أطمن كل الناس اللى بتحبنى أن مفيش أى نوع من أنواع الخطر ولا على ولا على حياتى.. بالنسبة للى حصل يحتاج أن أنا ارد عليه ومش هينفع أرد عليه فى كلمتين.. حسام جوزى اللى أنا معشراه ده أنسان من أنضف رجال الدنيا وأنسان محترم وأنسان متربى بيحبنى أكثر من نفسهه وميستهلش منكوا كم القسوة ده بس أنا مدياكوا العذر علشان أنتوا متعرفهوش.. بس عاوزة أقولكوا أن الراجل اللى ربنا حطه فى طريقى فى الوقت ده.. فى الوقت اللى كنت فيه متكسره ومدمره هو بنالى شخصيتى وخلانى بقيت بعرف أتكلم.. رجعلى لنفسى تانى الثقة.. حسام ربنا هو اللى بعتهولى وربنا مبيمعليش حاجة وحشة.. حسام بيحبنى أكتر من نفسه أنا وبناتى والدليل أنه من ساعة ما أتجوزنى مستفدتش بأى حاجة ومعملش لنفسه أى حاجة هو بس عايش علشان يخاف عليا وعلى عيالى وكل شيئ.. الحاجات كتيرة مش المفروض أرد عليها بس عاوزة أقول كمان أن الست حماتى اللى ربت راجل أخلاقه عامله كدة أكيد لازم تكون ست عظيمة.. حسام أنسان عظيم.. وأمه ست عظيمة.. أتمنى منكوا تدعولنا بالذرية الصالحة وبقولكوا مفيش أى حاجة من دى خالص حسام أنسان نقى ونضيف وربنا هو اللى بعتهولى".
