سوشيال

فنانين شباب يناشدون وزيرتى الثقافة والصحة بعلاج زميلهم بعد إصابته بمرض نادر

الخميس 01/يوليو/2021 - 09:17 م

ناشد عدد من الفنانين الشباب كل من الدكتورة إيناس عبد الدايم وزيرة الصحة ، والدكتورة هالة زايد ، وزيرة الصحة بعلاج زميلهم فنان شاب "هانى حسن" بعد إصابته بمرض نادر.

وقال الفنان الشاب محمد حبيب فى رسالته على صفحته الشخصية على موضع التواصل الاجتماعى " فيس بوك" ، " إلى الي الإنسان الاب الرئيس / عبد الفتاح السيسي.. إلى الإنسانة الفنانة وزير الثقافة / إيناس عبد الدايم ..الي الإنسانة الدكتورة وزير الصحة / هالة زايد #وزارةالصحة"... هاني حسن Hany Hassan زميل وصديق وأخ لديه أزمة وانتم لديكم قدرة المساعدة لشاب مصري في عز الشباب حياته في خطر .

وتابع " هاني بيمثل ويرقص ويصمم وعضو فرقة فرسان الشرق في دار الأوبرا المصرية ، طول الوقت بيجتهد ويشتغل علي نفسه ويعمل حاجات تخلي مهاراته أحسن عشان يبقي مميز في شغله ..هاني يراضي طول عمره وغير كل مهاراته اللي قولتها اتعلم تحطيب وتميز لدرجة انه بقي بيعلم هذا الفن المصري. . هاني خريج مركز الإبداع الفني الدفعة الاولي لكن مكنش ليه حظ في الشهرة زي كتير من الدفعة لكن كان ليه حظ كبير جدا من محبة الناس ليه علي أخلاقه وجدعنته وإجتهاده طول الوقت".

واستطرد: "انا شخصيا كنت متخيل انها أزمة هتاخد كام يوم او شهر ويبقي كويس مع العلاج لكن واضح ان مرض هاني مش سهل علاجة طبيا ولا سهل ماديا عليه أو علي أهله ، خصوصا وان مرتبه اللي مجرد عقد في الأوبرا لا يغني من جوع في ظل الظروف وتكلفة العلاج الباهظة جدا علي اي حد ، فما بألك بشخص معندوش دخل يكفي شخص عايش طبيعي مش مريض محتاج علاج بآلاف الجنيهات كل أسبوع . اي حد من صحابه اللي يقدر يساعد في الازمة مش هيقدر يعمل كدا كتير لكن الدولة تقدر تعمل كتير عشان تساعد شخص حمل اسم مصر في كتير من المحافل المحلية والدولية وكان مثال مشرف جدا جدا ودا عن تجربة شخصية لينا مع بعض في عرض شاركنا بيه باسم مصر في الهند غير كل المشاركات اللي كانت في الأوبرا وخارجها. .ولو حتي لم يشارك باسم مصر فهو مواطن مصري في أزمة غير عادية واكبر من قدراته وقدرات من حوله من أهل وأصحاب".