"عدى من تحت رجلى".. فتاة تتعرض للتحرش 3 مرات من زميلها بإحدى المولات

وقالت "هبة": "ركزوا معايا يا شباب وعايزاكوا تجبولي حقى عشان حقي ضاع من الشركة.. دة شخص اسمه محمد مشهور بـ" قفشة".. الولد دا اتحرش بيا في الشغل أول مرة فى فرع بتاع سيتي ستار كنت وقفة على شلفات وراح عدا تحتي وهزقته وقولتله كنت تستني لما انزل ومردش". 

وتابعت "هبة": "مرة تانيه كان يوم الجمعة اللي فاتت  كان فى فلاش سيل عندنا وكان بيتلزق فيا اكتر من مره وانا كنت ببعد عنه وكذا مره كان بيحاول يخبط فيا واتعملت معاه ".

وأضافت "هبة": "اخر مره كان في الاستوك جوه مكنتش عرفه أخرج عشان كان واقف هو واحد زميلنا قاله ثواني زملنا خرج راح التاني واقف على شلف وبقوله طب كنت تخليني اعدي قالي متعدي بقوله ازاي يعني بيقولي من هنا.. وبيشاور على تحت رجليه هزقته وقولت لخطيبي لانه صحبه ومفروض انو يحافظ على كلامه معايا ويلزم حدوده بس هو تخطاها اكتر من مرة".

واستكملت الفتاة: "خطيبي اتخانق معاه وشتمه وهزقه الواد دا شافه تاني يوم وراح يتخانق معاه في الشغل وقطع هدوم خطيبي "بتاعت الشغل" واتحولوا للتحقيق عشان بس الخناقه مش عشان اللي حصلي.. ودلوقتي حقي انا وخطيبي ضايع لان الـ hr بتاعه الشركة شايفه أنو عادي وخطيبي مش من حقه يدافع عن شرفي وحقي وحتي مبعتوليش استجواب على اللي حصل والواد هيكمل عادي في شغله وخطيبي هو اللي هيضر انا سيبت الشغل عشان اعرف اخد حقي من بره الشركه اللي مفروض تجبلي حقي معملتش حاجه عايزاكم تسعدوني في اني اخد حقنا من الواد دا لانه ضرنا وشركه سيباه عادي يبرتع فيها عشان اهم حاجه عندهم الفلوس ومبيعات مش مهم بنسبالهم اللي بيحصل في الاستف وبنت زيى".

وتابعت الفتاة: " ساعدوني ياشباب عايزه حقي.. الولد رجع لشغله عادي وفصلوا عبدالرحمن وعلقوا مرتبه ومحدش بيرد علينا وعملولنا بلوك.. ولما عبدالرحمن كان بيتكلم على الـ hr" قالتله ايش عرفك انها بتقول الحقيقه ممكن تكون بتكذب عليك ولما رد عليها وقالها مفيش حد هيقول على نفسه كدا وهو نفسه مأنكرش انو عمل كل دا انتي هتقبيلها ع نفسك ؟؟ .. مردتش عليه وقالتله هتدفع تمن التيشرت اللي اتقطع والوالد رجع شغله وعبدالرحمن اتفصل ولما قالها طب وحق "هبة" قالتله تعمل الي هي تعمله مش بيفرق معانا ودلوقتي ولا ادوني ورقي ولا فلوس عبدالرحمن خدها ولا ورقه ولا اي حاجه مبيردوش علينا حتي الاستف اللي كانو بيشتغلو معانا بيتمرقعوا علينا

الجمله اتقالتي من مدير فيهم واستف قالي مكنتيش تحكي فيها اي لما كنتي تسكتي كله بيحصله كدا عادي".