كيف أحيت ابنة رجاء الجداوى الذكرى الاولى لرحيل والدتها
الإثنين 05/يوليو/2021 - 11:55 م
كشفت أميرة مختار إبنة الفنانة الراحلة رجاء الجداوي أنها أحيت اليوم والذي يصادف الذكرى الاولى لرحيل الفنانة القديرة بزيارة قبرها برفقة حفيدتها والمقربين والعائلة ثم عادت لمنزلها غير مصدقة ماحدث حتى الان .
تابعت ابنة الفنانة رجاء الجداوى في لقاء خلال برنامج " كلمة أخيرة " الذي تقدمه الاعلامية لميس الحديدي على شاشة " ON" في حلقة خاصة بمناسبة الذكرى الاولى لرحيل الفنانة القديرة رجاء الجداوي قائلة : "روحت البيت وقعدت شوية وانا لسه مش متخيلة الي حصل وبقول لنفسي معقولة الي بيحصل ده ؟ طول النهار تلقيت إتصالات من أقارب وجيران والدنيا كلها مقلوبة على مرور السنة على وفاتها لانها في حقيقة الامر لم تغب.
أكملت : " في أوقات كتير مابقاش مصدقة واققول يامامي فات على موتك أربع شهور بس والنهاردة قلت سنة كاملة راحت علي غيابك وأنا مش مصدقة لاني دائماً بحس انها موجودة في محبة الناس وأن روحها بتحتضني وتحضتن محبيها ".
وفاجئت الحديدي أميرة مختار بسؤالها : إنتي شايلة شنطتها ولابسة عقدها ؟ " لتجيب مختار مازحة : ده عيب انك صحبتنا فعارفة حاجتها كويس لابسة شنطتها وعقدها والجاكيت بتاعها .. ودي كانت هدية ليها في عيد ميلادها في سبتمبر 2019 وقلتلنا وقتها ليه كده ياولاد تكلفوا نفسكم ؟ وهي كانت دائما بتتحايل عليا ألبس حاجتها وتتخانق معايا عشان استخدمهم وكنت برفض وأققلها وقتها مش هينفع نظهر إحنا الاثنين ولابسين حاجة بعض "
واصلت:" لكن النهارده وانا بفتح الدولاب وباخد حاجتها قلتلها صدقتي بامامي وجهة نظري في عدم إستعمال حاجتك".
