شيخ يصدم عمر كمال برسالة غير متوقعة.. والفنان يرد: أنا مش بتاع مخدرات
الجمعة 20/أغسطس/2021 - 02:28 م
تلقى مطرب المهرجانات عمر كمال تعليق غير متوقع من أحد المتابعين عبر موقع التواصل الاجتماعي "فيس بوك"، بعد توجيه رسالة لطلاب الثانوية العامة.
وكتب أحد المتابعين لعمر كمال خلال التعليقات: "ربنا يهديك ويتوب عليك يا رب، وربنا يرزقك من حلال.. صدقني إنت فيك خير كبير قوي، ويا رب تسمع كل حد بيحبك وبينصحك وبيتمنى لك الخير.. وتترك الأبواب الحرام الموسيقى والرقص والحفلات وتتأكد إن اللي عند ربنا أحسن بكتير.. والجنة غالية قوي.. وربنا مش هيضيع عبد رجع ليه.. هتلاقي ناس كتير بتنصحك في الكومنت هنا.. الناس دي هي اللي عايزة لك الخير بجد".
ورد عمر كمال، قائلا: "يا شيخ علاء.. أنا بقول الثانوية العامة مش نهاية الدنيا أهم حاجة انك تشتغل وتتعب وتحقق لنفسك عيشة كريمة وأكيد بديهي جدا هتكون بالحلال.. أنا مش بتاع مخدرات ولا إنسان وحش بالدرجة دي علشان الناس تعاملني بالشكل ده، كلنا بنتعب وبنشتغل علشان نجيب فلوس ونعيش عيشة كويسة في الآخر وده قصدي".
وظهر عمر كمال على جمهوره في بث مباشر على موقع "فيس بوك" كي يوضح المقصد من المنشور وهو أن الثانوية العامة ليست نهاية المطاف وأن مجموع الثانوية العامة ليس هو الأساس في تحديد المستقبل كي يحفز الطلاب على العمل وأن العمل هو الأساس كي يستطيع كل شخص الإنفاق على نفسه وتكوين مستقبله.
ونفى عمر كمال أن يكون الهدف من المنشور هو التحريض على عدم التعلم موضحا أنه هدفه هو التشجيع على العمل وكسب المال وتعجب عمر كمال ممن يتصيدون الأخطاء له.
