الحكاية الأولى.. رضينا بالهم!
الأحد 22/أغسطس/2021 - 05:32 م
مشهد1 ليل/داخلي شقة/غرفة نوم
يظهرفي لقطة قريبة وجه سيدة ثلاثينية نائمة وعينيها مغمضمة تفتح عينيها فجأة ثم يتسع الكادر ونراها وهي تقوم وتنظر على زوجها لتتأكد أنه نائم تقوم من على السرير وترفع االوسادة من ناحيتها فتجد مفتاحا صغيرا تأخذه تفتح به الدرج الأخير في الكوميدينو الملاصق للسرير تأخذ منه الهاتف الموجود فيه بعدها تقوم ببطء وتسير عل أناملها حتى تخرج من الغرفة.
قطع
مشهد2 ليل/داخلي شقة/الصالة
تخرج السيدة للصالة وتنظر خلفها لتتأكد من عدم تتبع زوجها لها تجلس على كرسي من كراسي السفرة وتمسك هاتفها وتطلب رقم السيدة
ألو
ايوة ايوة نفس الميعاد والمكان
تمام
تغلق بعدها الهاتف وتدخل الغرفة
قطع
مشهد3 نهار/خارجي
أمام محطة مترو تقف السيدة مع رجل وتعطيه حقيبة وتأخذ منه بعض الأموال الرجل كدة حساب آخر مرتين خالص تنظر السيدة يمينها ويظهر على وجهها الذهول وتقع الأموال من يدها تقطع الكاميرا على زوجها الذي يقف على يمينها ينظر لها هي والرجل الذي يقف معها الزوج
فكراني نايم على وداني؟
السيدة
على فكرة انت فهمت غلط
الزوج
شايفك امبارح قايمة بليل تكلميه ودلوقتي معاه وتقوليلي غلط
ايه البجاحة دي؟
الرجل ( مقاطعا الزوج)
حضرتك فاهم الموضوع غلط.. المدام بتعمل شغل فضة وشنط هاندميد
وانا مندوب وموزع ودا حساب الشغل
السيدة
اتفضل انت يا علي دلوقتي وانا هكلمك
يغادر المندوب ناحية محطة المترو
الرجل
فيه ست محترمة تعمل كدة من ورا جوزها؟
السيدة
على فكرة انت السبب
ان قلتلك كتير سيبني انزل شغل واساعد في الظروف اللي احنا فيها واللي مش باينلها آخر دي
قطع
مشهد4 ليل/داخلي فلاش باك شقة/الصالة
تجلس السيدة مع زوجها يشاهدان فيلما قديما في التلفاز وأمامهما طبق بعض الفاكهة ويضحكان على الفيلم
السيدة: عاوز اخد رأيك في حاجة
الرجل: لو الحاجة بتاعة كل مرة بلاش
السيدة
ليه بلاش؟ عاجبك حالنا كدة؟ ايه المشكلة لما انزل اشتغل واساعدك؟
ستات كتير زمان ودلوقتي ساعدوا اجوازهم لحد ما وقفوا على رجلهم
لا حرام ولا عيب
الرجل
ماقولناش حرام.. لكن انتي عاوزة بقى يقولوا في العيلة اني مش قادر اكفي بيتي
ونزلتك تتمرمطي في الشارع عشان ناكل ونشرب انا والعيال؟
السيدة
فين المرمطة ما كل ستات العيلة بتشتغل
الرجل
ملناش دعوة بحد
السيدة
طيب ممكن تفكر بس شوية وتسمعني.. انا اقصد..
الرجل ( مقاطعا لها بعصبية)
لا اسمع ولا افكر .. الموضوع دا اتقفل .. عليا الطلاق ما فيه نزول شغل ليكي
يتركها ويقوم متجها لغرفة النوم
قطع
مشهد4 نهار/خارجي
أمام محطة المترو تقف السيدة في مواجهة زوجها
الزوج
وانتي دلوقتي لما تفكريني المفروض انا احس بالذنب واقولك عندك حق صح؟
الزوجة
لا بس انت اللي وص..
الزوج ( مقاطعا لها)
انتي طالق
يتركها ويرحل وتتسمر هي في مكانها من الصدمة
