أول تعليق من البلوجر" إيفون نبيل" بعد تحريرها من زوجها: أنا فى أمان في بيت أهلي
الجمعة 10/سبتمبر/2021 - 11:31 م
طمأنت البلوجر إيفون نبيل ، التى تعرضت للحبس على أيدي زوجها ، متابعيها إنها متواجدة حاليا فى منزل أهلها وهي وبناتها فى أمان حاليا قائلا" أنا كنت خايفة وطلعت عملت الفيديو وأنا مش حابة أتكلم فى الإعلام ولا أي تفاصيل شخصية .. أنا كنت فى ضغط وأزمة ومكنش قدامي غير الحل ده".
وتوجهت إيفون بالشكر لكل من دعمها وساندها قائلة " الواقعة مكنتش هزار ولا دي نوعية الفيديوهات اللي لو هزرت أعملها.. أنا مش هتكلم فى حياتي الشخصية تاني أنا عندي بنتين ومش عايزة أتكلم فى الموضوع ده تاني.. أدعولي".
وكانت "إيفون نبيل"، قد استغاثت بدموع لا تتوقف من زوجها عبر فيديو، مؤكدة أنها تتعرض للإهانة والتهديد من قبله على مدار 8 سنوات منه حتى أنه أصبح يهددها بمنعها من رؤية أطفالها وتسفيرهم للخارج.
وقالت "إيفون" عبر مقطع فيديو بثته على حسابها الشخصي بموقع "فيس بوك": "أنا دلوقتي محبوسة في بيتي وجوزي خد مني الموبايل واللاب توب وغير باسوورد كل حاجة.. فيه مشاكل بيني وبينه من 8 سنين.. بيهنني وبيهدنني أنه هياخد عيالي ويسفرهم أي بلد من ورايا".
وتابعت: "أنا محبوسة في بيتي مش عارفة أنزل منه.. جوزي طلع بيسجلي مكالماتي أنا وهو.. قعدت من الشغل وقعدت سنين مبعملش حاجة في البيت بسببه.. دايما بيهنني وبيقول أني فاشلة ويهددني بالسلاح.. أرجوكوا بلغوا أي حد وأنقذوني.. أنا معييش حد غير ربنا".
