"كان هيخطف بنتى".. سيدة تتعرض للتحرش من سائق توك توك

وقالت "روفيدا": "الحيوان ده اتحرش بيا إنهارده سواق توك توك كنت راكبة معاه أنا وبنتي ولما لقيته قاصد التحرش فعلا نزلت فوقه ضرب وصرخت وشديته لقيته طالع يجري ببنتي يخطفها وكان هيسحلنى شد وأنا بضربه وهو طالع ببنتي الناس اتلمت كتير سألوني إيه حصل قولتلهم على اللى حصل".

وأضافت: "الناس نزلوا فيه ضرب ومسكوه وفضلت أضرب فيه لغاية ماوشه كان جايب دم من الخربشه والضرب وقالوا ايه يرضيكي قولتلهم عاوزه أبلغ .. وفي لحظه إتراجعت تاني وافتكرت إني لوحدي وفي بلد غير بلدي قولتلهم لأ خلاص مش هبلغ أخدوا منه صورة بطاقته وقالولي خديها معاكي لو حبيتي تبلغي وكان فيه إلحاح من البنات والرجاله اللي مسكوه إني أبلغ بس خفت".