"متشتريش في ماونتن فيو".. هاشتاج يتصدر تريند "تويتر" وشكاوى بالجملة (صور)

وشارك إسلام عزت فى هاشتاج "متشتريش في ماونتن فيو"، قائلا: قبل ما يضحك عليك باعلانات وأوهام في مشاريع جديدة اسأل الأول ايه اللى حصل في المشاريع اللى المفروض اتسلمت من غير كهرباء وصرف وأماكن خدمات وأماكن لركن السيارات واسانسير.

وشاركت رانيا عبد الحميد فى هشتاج "متشتريش في ماونتن فيو"، حيث اشتكت من توصيل المرحلة الثانية بالكامل على مولدات وانقطاع الكهرباء مرتين يوميا مع عدم ثبات التيار مما أدي إلى تلف العديد من الأجهزة الخاصة بالسكان ده غير صوت المولدات مبنامش. 

واضافت "رانيا" أن هناك تفريغ سيارات الصرف الصحي بالقرب من الكمبوند مما أدى إلى وجود ناموس وحشرات بكثرة رهيبة، فضلا عن عدم وجود بوابة للمشروع ويتم استعمال بوابة الكمبوند المجاور

واكملت قائلة: "مفيش خدمات مفيش مرافق مش عارفين نعيش" 

وقال حاتم الادريسي أثناء مشاركته فى تريند "متشتريش في ماونتن فيو" الذى سيطر على موقع التواصل الاجتماعي خلال الساعات الماضية : "مدير المشروع في ماونتن فيو لما بيحب يصلح مشكلة في الطرق أو يعمل تعديل بيقول للسكان استنوا علينا شوية علشان عندنا مقاول واحد شغال في مكانين مش هنقدر نضغطه.. يعنى من الاخر تعايش مع المشكلة علشان احنا بنوفر" .