"أنت تاريخك إيه".. زوجة مدافع الزمالك تهاجم إبراهيم سعيد واللاعب السابق يرد

شهدت السوشيال ميديا تراشقاً بين إبراهيم سعيد نجم الاهلى والزمالك الأسبق، وزوجة محمود علاء مدافع الفريق الكروي الأول بنادي الزمالك، على خلفية الانتقادات التي يتعرض لها اللاعب من جانب إبراهيم سعيد، والتي كان أخرها مساء الجمعة، على هامش مباراة القمة التي جمعت بين ناديا الأهلي والزمالك بـ"ستاد القاهرة"، ضمن منافسات الجولة الثالثة من عمر مسابقة الدوري العام، وانتهت بفوز الأهلي بنتيجة 5 – 3.

وقالت زوجة محمود علاء عبر "انستجرام"، "ليا تعليق على واحد مريض مش وراه حاجة يعملها غير انه يكتب على تويتر، كل ماتش مش قاعد شايف في الملعب غير محمود علاء، مش شايف في الفرقة كلها غير محمود علاء كل ماتش، عايزة أقولك على حاجة أنت تاريخك ايه أصلاً جنب محمود ممكن نقارن بالارقام ونشوف انت ايه وهو ايهعشان تتكلم عليه وتفضل محروق منه كده كل ماتش".

وأضافت، "كل ده عشان رفض يكلمك في الموبايل وياخد رقمك ولا عشان عملك بلوك على تويتر، فالموضوع بقى مرض نفسي، بالنسبالك تحب انزل صورتك اللي متصورها معاه وحاضنه كمان اتكلم على الفرقة كلها واخطاء الفرقة كلها كفاية مرض نفسي وقرف بقى".

ورد إبراهيم سعيد عبر صفحته الرسمية بموقع "تويتر"، "أولا مش برد علي نسوان ممشيه رجالتها ، لان لو في راجل هعرف ارد عليه كويس اوووي ده لو راجل اصلاً، والكلام كله كدب ، انا ولا اعرفه ولا عمري شفته أصلاً، وشغل النسوان ده مش بحبه، وشكلها الامور متبدله في البيت".