"قصفات من العيار التقيل".. أجرأ تصريحات لغادة عبد الرازق بـ2021

اشتهرت الفنانة غادة عبد الرازق، بجرأتها ولم تخلو 2021 من تصريحاتها بالبرامج التى تظهر بها إلا وأثارت للجدل.

قالت الفنانة غادة عبد الرازق، فى مداخلة هاتفية مع الإعلامي عمرو أديب في برنامج "الحكاية" خلال شهر رمضان، بعدما سألها "أديب" عن تفاصيل زواجها في شهر رمضان وأثناء تصوير مسلسلها : "إنت زعلان ليه، ده كتب كتاب، إنت في إيه؟" .

كانت غادة عبد الرازق، ضيفة برنامج الحكاية مع عمرو أديب علي شاشة mbc مصر، وفي حوار عن أعمالها وشخصيات قامت بتقديمها، تطرق عمرو أديب لدخلاها وسألها عما تدخره بالبنوك فأحرجته غادة قائلة: "إنت بتحوش أد إية من دخلك" وعندما أجاب أديب أنه يدخر كل دخله، أضافت: "يعني الـ 3 مليون دولار اللي بتاخدهم من هنا بتحوشهم كلهم في البنك".

ظهرت غادة عبد الرازق علي شاشة mbc، مع الإعلامي مصطفي الآغا ببرنامجه "صدى الملاعب"،  وأثارت تصريحاتها جدل واسع خصوصاً لتطرقها لحياتها الشخصية، وأبرز تصريحتها كانت عن :

-رغبتها في الاعتزال قائلة: "فكرت في اعتزال الفن بسبب تعبي من المهنة وأنا من 12 سنة كنت عايزة ألتزم دينيا وأتحجب وأبعد".

-تعصبها الشديد للأهلي: "لو كان الأهلي اتغلب كان زماني جيت البرنامج مشلولة، لما أوصل للأهلي بتبقى روحي مش رياضية خالص.. متعصبة فوق الوصف والخيال.. أنا زي أبويا الله يرحمه كان الأهلي يغلب نطلب أي حاجة في البيت.. الأهلي يتغلب كل واحد يقعد في الأوضة زي الكلب ميفتحش بقه".

وتأثرها بحياتها القديمة: "الحاجات اللي حصلتلي قبل التمثيل أثرت على شخصيتي كتير بشكل أذاني، وفي حاجات كتير أثرت عليا من صغري منها وفاة والدي وأنا صغيرة، أمي سابتني في وقت كنت محتاجة لها فيه".

واخيراً شعورها بالتقصيرفي حق ابنتها (روتانا): "مهتمتش ببنتي روتانا لما كانت محتاجة ليا، وللأسف اتشغلت عنها بالشهرة والنجومية والفلوس".

وأشارت أن اعتزال أدهم نابلسي حرية شخصية لا يجوز لأحد التدخل فيها قائلة: أنا مش فاهمة ليه كل الضجة دي على اعتزال الفنان أدهم نابلسي،يا جماعة متحكموش على الناس.. هو أكتر واحد حاسس باللي بينه وبين قلبه وربه،هو مش مرتاح سيبوه، زي ما بتطالبوا إن محدش ليه دخل في دينك ولا لبسك ولا لون شعرك، إحنا كمان ملناش دخل هو عايز يسيب الفن أو مش عايز يسيبه، ده شيء يخصه".

وأضافت معنديش أمل في 2022 إنها تبقى أفضل من 2021،وأتمنى إن ربنا يخفف الضغط عني شوية وأنا خلاص بقيت مستوية ومش قادرة.