محمد الباز لـ زوج معلمة المنصورة: "لازم تقف جنبها وتدعمها وتكون سند لها"

وأضاف، خلال برنامجه "آخر النهار" المُذاع على قناة "النهار": "اللي حصل في مسألة المنصورة مُدرسة بتشتغل متطوعة، ونقابة المعلمين بالمنصورة عملت رحلة ومنها نزهة نيلية، والمدرسة وزملائها ورقصوا في الهواء الطلق ولحد هنا الموضوع عادي وبيحصل إلى أن تم تصوير ده، وأحدهم رفع الفيديو بشكل تحريضي، وقال عيب وميصحش وفين هيبة المعلم والتعليم".

وأشار "الباز"، إلى أن المُدرسة رقصت ولو لم يُصورها أحد لما أصبحنا أمام أزمة، متابعا: "دي كاميرا ملعونة، وللأسف ناس بتدي نفسها الحق في تصوير الآخرين، وعشان كده لازم نقول احترس المجتمع يعود إلى الخلف".

وأكد أن المُدان في اقعة مُدرسة المنصورة هو من صور الفيديو، ويجب أن يُعاقب، مردفا: "رسالتي لزوج المُدرسة لازم تبقى سند لزوجتك، أنت عارف مراتك وأخلاقها، لازم تقف معاها وتبقى داعم ليها".