"طلع الكارنيه بتاعك".. تفاصيل خناقة مرتضى منصور وهشام يكن في الزمالك
الثلاثاء 25/يناير/2022 - 11:58 م
شهدت الساعات الماضية أزمة قوية بين مرتضى منصور رئيس نادي الزمالك وهشام يكن نجم القلعة البيضاء السابق في مقر النادي بميت عقبة.
و قال الإعلامي محمد شبانة، في تصريحات تليفزيونية، لبرنامجه "بوكس تو بوكس"، المذاع على فضائية ETC: "بدأت القصة برؤية رئيس الزمالك ليكن داخل النادي يتجول بين الأعضاء من خلال الكاميرات الموجودة في النادي والموصلة بالشاشة المتواجدة بمكتب رئيس الزمالك.
ونزل مرتضى منصور إلى هشام يكن وقال له "هات الكارنيه بتاعك"، ليرد نجم الزمالك السابق، "ليه"، ليقاطعه مرتضى منصور "طلع الكارنيه بتاعك"، ليرد هشام يكن، "عاوز الكارنيه ليه.. هو أنت مش عارف أنا عضو في النادي ولا لأ".
أجاب رئيس الزمالك :"مليش علاقة بالكلام ده، هات الكارنيه"، ليرد هشام يكن :"الكارنيه مش معايا دلوقتي سايبه عند حمام السباحة وحتى لو معايا مش هديهولك".
وتدخل بعدها المتواجدين لإنهاء الأمر لكن رئيس الزمالك صعد إلى مكتبه وهو يتحدث بصوت عالي ضد يكن والذي ارتفع صوته بشكل كبير هو الآخر وقال له "متتكلمش عليا تاني".
