"كسروا الباب بالعافية".. تصرف صادم من أولياء أمور مدرسة بأكتوبر تأخر أبنائهم عن الطابور

وقالت إحدى متداولى الواقعة على موقع التواصل الاجتماعى ، "فيس بوك"،" فيه جملة لعادل إمام في فيلم عمارة يعقوبيان عام 2006 كان بيقول فيها "احنا في زمن المسخ".. الحقيقة احنا في 2022 و مش عارفة المفروض نسميه زمن إيه؟؟ الصور و الڤيديو دول لمدرسة من أقدم المدارس في اكتوبر، أنا مش هاتكلم عن مستواها التعليمي والأكاديمي لأني مش عارفة و لا هنعرف لأن عادةً أولياء الأمور دائماً مختلفين في النقطة دي.. لكن أنا هأتكلم عن النظام واحترامه واحترام المواعيد.. المدرسة بتفتح بواباتها الساعة 7:30 وميعاد الطابور 8 وبتقفل 8:10 و الحصة الأولى8:15 حد هنا كلام جميل.. يومياً فيه طلبة متأخرين والمدرسة تنبه وتعاقب وتحرم من حصة أولى… إلى أن أرسلت لأولياء الأمور انه من تاريخ محدد اللي هو 23 مارس 2022 لن تسمح بدخول أي طالب بعد8:10".

وتابعت " فما كان من أولياء الأمور الا التصرف اللي في الڤيديو ده.. تخبيط على البوابات وتكسيرها واللي بتصور بتضحك والطلبة في منتهى السعادةوهنا الحقيقة استوقفتني عدة تساؤلات.. اما كل الطلبة دي لسه مادخلتش المدرسة والساعة عدت 8:15 يبقى لازم يكون فيه طبعاً وقفة من إدارة المدرسة مع اولياء الامور.. هو مش طبيعي ان الطلبة ماتحضرش طابور وتحية علم وكمان متأخرين وكل شوية طالب او 2 فاتحين باب الفصل وداخلين يسببوا تشتت للمدرس اللي بيشرح والطلبة اللي مركزة!!!!

واختتمت قائلة"اما تعلموا اولادكم انكم هتكسروا باب المدرسة وتطلبوا الشرطة علشان ازاي المدرسة عاوزاكم تحترموا المواعيد يبقى بكرة اولادكم هيعملوا فيكم اكتر من كده..ربنا يستر من الأجيال القادمة لأنهم مش متربيين لأن أهاليهم أصلاً مش متربيين"