منة عرفة تهاجم إلهام شاهين: مش لازم نتباس ونتحضن علشان نمثل

وأضافت منة عرفة خلال لقائها مع برنامج "سابع سما"، المُذاع على فضائية "النهار: "هل الفنانة إلهام هي التي تقرر من الذي يشتغل ومن الذي لا يعمل؟"ـ متابعه "ما صدر من الفنانة إلهام شاهين خلال الفترة السابقة، قائلة: "كنت في لقاء أنا وزوجي مع إعلامي معين، وكان بيسألني عن التحفظات اللي أنا كنت بشوفها.. وأنا رديت وقولت أنا رافضة إن أنا اتباس واتحضن.. أنا حرة".

وتابعت: "اللقاء خلص، بعدها كانت الفنانة إلهام شاهين في لقاء مع إعلامية ما، واتسألت عن الفنانين اللي بيرفضوا البوس أو الحضن في التمثيل، وردت الفنانة إلهام قائلة ده تخلف، ومفيش حاجة اسمها سينما نظيفة وسينما غير نظيفة، واللي مش عايزة تتباس ولا تتحضن تقعد في البيت".

وأكملت منة عرفة قائلة: "ده كان ردها، وأنا مردتش، وقولت ماشي حاضر قعدينا في البيت.. وبعدها كنت في لقاء تاني والمذيعة قالتلي الفنانة إلهام قالت عنك كذا.. وأنا رديت وقولت لأ هي أجمعت على الفنانين كلهم اللي بيرفضوا، ومش ذكرت اسمي".

وأردفت منة عرفة: "بعدها الفنانة إلهام ظهرت في لقاء آخر، وذكرتني بالإسم بقى .. وذكرت التصوير والمشهد بتاعي مع الفنان محمد نجاتي.. وقالت عليا مش فاهمة المفروض المخرج يعملك ايه ياحبيبتي.. خلاص متشتغليش".

وهاجمت منة عرفة، إلهام شاهين قائلة: "رأيك احتفظي بيه لنفسك.. هو احنا لازم نتباس ونتحضن علشان نمثل!".