أحمد فلوكس يهاجم محمد نجاتي بعد تصريحات الأخير عن موقف محمد رمضان
الإثنين 11/أبريل/2022 - 03:25 ص
هاجم الفنان أحمد فلوكس زميله الفنان محمد نجاتي بعد سرد الأخير واقعة إحراج أحمد فلوكس لمحمد رمضان في بداياته الفنية بمسلسل " إحنا الطلبة".
وقال أحمد فلوكس عبر صفحته الشخصية على موقع التواصل الاجتماعي ،" يعني افتح التلفزيون الاقي نفس الممثل المنفسن بيجيب في سيرتي و ماشي ياكل عيش بيا في برنامج تاني .. يابني مش مكسوف .. ده حتي المسلسل ده المنتج جالي قالي تعالي اشتغل لان مكنش عارف يبيعوا و انت كنت اقدم و اكبر اسم فيه و اختلف مع عزمي و جالي بعد شهر تصوير علشان انقذه و لاني بحبوا وافقت لانوا صاحب فضل عليا و مضيت و باع بعديها".
وتابع أحمد فلوكس،" يابني بطل سواد ده انت ربنا خفس بيك سابع ارض .. شوف لما نفسنت و طلع سوادك علي هاني سلامه هو فين و انت فين .... و بعديها نفسنت علي احمد زاهر لغايط ما فيفي عبده جريت وراك بالشبشب في المسرح ... اتقي الله حتي مسلسلي لما مت جريت علشان تشتغل فيه علي اساس انك هاتنجح زي و علشان انت اسود ولا كانك اساسا كنت فيه ".
وقال أحمد فلوكس ،" يابني اتقي رينا .. مش كفايه ان حتي في منطقتك اللي هي منطقت الرجاله مسمينيك السيس ... يابني ابعد عني علشان هازعلك ... كل عيش بعسد عني بدل ما هاخلي سوادك علامتك المميزه ... عموما انا عاملك عذر ان سيرتي في حياتك اكتر من الاعمال اللي عملتها فا هاتتكلم علي ايه يا عيني".
وكشف الفنان محمد نجاتي عن موقف للفنان محمد رمضان فى بداياته مشواره الفني قائلا" كنا بنعمل مسلسل " إحنا الطلبة" وكان محمد رمضان بيسأل أحمد فلوكس على مشهد هو عمله وأحمد فلوكس رد رد غريب فا محمد رمضان قال له " هيجي يوم من الأيام وتقول أنا سألتك سؤال فني".
وقال الفنان محمد نجاتي ، تعليقا على طلاق منة عرفة من زوجها محمود المهدى ، أنهما أبطال مسلسل البحث عن التريند، نافيا أن يكون هو سبب طلاقمها قائلا" أنا نفذتلها اللي هي عايزاه فى المشهد ومسلسلهم للبحث عن التريند ممكن يكون ممتد 60حلقة".
وتابع فى برنامج كلام الناس مع ياسمين عز ، " مش كل واحد عايز يتشهر يروح شاتم فنان أو نجم"، مضيفا كل شخص من حقه يعمل اللي هو عايزه بس لازم يكون في اتفاق مسبق مش لازم نعطل التصوير .
وأضاف " لو أحب إني مراتي محدش يلمسها يبقي ماتدخلش الفن .. الفن بتلخصوه فى حاجات صغيرة أوى وبقا الصغير بيتكلم فى الفن وكأنه رئيس مجلس ادارة الفن".
وقال أن طليق منة عرفة ليس عضوا فى النقابة وعندما اشتكيته في النقابة لتطاوله عليا وجدت إنه ليس عضوا فى النقابة ورفعت عليه قضية لرد الاعتبار.
وحول وجود مشكلة بينه وبين زوجته بسبب منة عرفة قال" مراتي سألتني إيه المشهد اللي يوصل واحد يطلق مراته فشرحتلها الموقف وفتحت السبيكر مع المخرج علشان تفهم الموقف".
