الكحك الدايب بيهز السوق فى المنوفية.. "أم ميادة" وأم إياد" بيعملوا عظمة والأسعار نزلت للنص

"الكحك الدايب أشهر أنواع الكحك فى المنوفية وطريقته سهلة جداً وكان سر اقبال الناس السنة دى" استكملت أم ميادة الحديث بالعبارة دى وضحت لنا إنها احترفت صناعة الكحك الدايب وكان سبب شهرتها.

لفت انتباهنا ان صديقتها ام إياد كانت قاعدة ساكتة، وجهنا سؤال ليها إزاى نعمل الكحك الدايب وكان ده ردها : "لازم يكون الدقيق من النوع الجيد والزبدة تكون فلاحي مضمونة وغير مغشوشة، نبدأ نضيف السمنة للدقيق بعد أن يتم قدحها بشكل كويس، ننتظر لما العجينة تبقى ناعمة، بعد كدة يتم تقطيع العجين بالحجم المناسب على شكل كور صغيرة، ويتم عمل ثقب ووضع الحشو فيه، والحشو يكون حسب راحة الزبون أما أن يكون ملبن أو عجوة أو ملبن بالسمسم والزبدة، ويتم إشعال الفرن قبل وضع الكحك فيه بنصف ساعة على الأقل ويتم وضع الكحك لمدة تبدأ من 20 دقيقة حتى تمام السواء.