ميار الببلاوي: أنا بين الحياة والموت في أمريكا
كشفت القنانة ميار الببلاوي لجمهورها عن تعرضها لأزمة صحية شديدة تسببت في سفرها للولايات المتحدة الأمريكية لتلقي العلاج.
ميار الببلاوي: أنا بين الحياة والموت في أمريكا
كتبت ميار الببلاوي عبر صفحتها على موقع التواصل الإجتماعي"الفيسبوك" قائلة:"جد هو أنا أوفر لما بجري عليكم لما يحصلي، حاجه لما ببقى زعلانة أو فرحانة أو تعبانة مانا بحبكم أوي من غير ما أشوفكم ودعائكم بيفرق معايا، ده بفضل دعاء أمي ودعائكم ربنا نجاني وأنا بين الحياة والموت في أمريكا".
وتابعت ميار الببلاوي:" أنتو بتهونوا عليا وحدتي وبطبطوا على قلبي مدفيه بيكم حتى لو بينا عالم افتراضي، مش هزعل قولوا لي لو أنا اوفر وأنتو بتزهقوا مني لآن المسج دي خوفتني الصراحة صباحكم رزق وهنا وكلنا على باب الله".
كشفت الفنانة ميار الببلاوي، عن اصابتها في قدمها، وعدم قدرتها على السير والحركة، وكتبت ميار على موقع التواصل الإجتماعي «الفيسبوك» قائلا:« لله الأمر من قبل ومن بعد، رجلي وأنا خارجة من القناة اتلوت وشكلها اتكسرت، ورمت وازرقت والألم لا يحتمل، المشكلة مش قادرة أحركها ووش رجلي كأنه نار، حد يعرف أعمل إيه النهارده الجمعة ودكتوري في الساحل راجع بكرة بالليل».
وأثارت ميار الببلاوي ضجة كبيرة بتصريحاتها خلال لقائها التلفزيوني الأخير حيث كشفت أسرار من حياتها وعلاقتها بشقيقتها وعدد من نجوم الفن بجانب استيائها من مشوارها الفني.
قالت ميار الببلاوي للإعلامية راغدة شلهوب: "أختي مسامحتنيش من وقت ما اتهمتها بالردة، وأمي ماتت في حضني وعلى ايدي، وجوز أختي مات وهو زعلان مني".
أما مشوارها الفني، كان رد فعل ميار الببلاوي صادم عقب عرض فيديو من أحد أفلامها السابقة، حيث قالت: "مش عايزه أفتكر تاريخي الفني الأسود وعايزة أحرق الفيديو اللي موجود ليا على جوجل عشان ابني".
